Poezija i proza

[riba]

               Æe moreš ?

Moreš o semu pesmu napisat
Moreš opisat baš se kaj hoćeš
Moreš objavit zakaj se smiješ
Moreš i reći zakaj se joćeš

Moreš posluhnut saku besedu
Moreš naduren naveke biti
Moreš  na saku reč prigovarat
Moreš od sveta probat se skriti

Moreš za ljubav biti kaj nisi
Moreš pred nekim glumit junaka
Moreš bit pošten,moreš i loši
Al nedaj od sebe delat bedaka

[riba]

   Zagorje i Zagorci

Ni se tu neko preveć zbogatil
Ti Zagorje nema puno za dati
Sem marljivih ruku deda,il oca
Poštenja kaj decu bi učila mati

Zase dok znade se Zagorec mućil
To žilavo blato je cenil pod zlato
Ni pednja on svoga ni se odrical
Je držal do toga kaj mu je dato

Na zboranom licu da se oćitat
Letima kolki tu znoj se zapekel
Za Zagorje srce do smrti ga veže
®vota rad njeg se i Gubec odrekel

Retko odzvanja već pesma težaćka
Raspelo pri putu se koje sprehiti
Al Zagorski bregi i dalje stojiju
A srećen ko more tu se zbuditi

[riba]

   još malo zimskoga štiha             

           Sneg

Zatrpal se uske steze po bregu
Zapuhal sa skrita šumska je prela
Zaravnati njime su bregi i doli
Zakrita pod njim su potočeca vrela

Pod teretom jele obesile grane
Hrastova krošnja velki je pleter
Poravnate samo vitke su breze
Njih jedino mogel otepsti je veter

Zasukal kupinje i glogovo trnje
Pod grmlje porobil plahu živinu
Potiral pod krove i žune i sove
Skroz pripitomil tu šumsku divljinu

Presvetli za oko,na dodir preblagi
Je sjajni kak torti najfinija krema
Al jedno pri njemu sigurno to je
Spod njegve beline milosti nema
 

[riba]

           Hrvatska za narod

Nije ljepote za biti joj ravna
Kroz godine povijesti je ustala slavna
Sva znamenja prošlosti pronosi davna
Za vjeke vjekova nek ostane pravna

Nikoga narod njem milost ne traži
Da bolje ih vode bi bili im draži
Od  njihove volje sav puk da osnaži
Pa suza taj obraz tad neće da vlaži

Nek ratar njen nikad ne strepi od štete
Nek ribara morem rasplove se čete
Nek ljubav svu mržnju u mrežu saplete
Mir nek zavlada nad svima što prijete

Svatko u sebi nek nađe za dati
Utjehu pružit  svakom ko pati
Djetetu svakom da nađe se mati
Za Hrvatsku takvu sad žive Hrvati

[riba]

Politićar

Baš šteta što nemam politićke slave
Da dićim se svima uzdignute glave
Svaka rijeć bila mi pametna,snažna
A pojavu moju da slijedi sva pažnja

Bi masama znao velkim zavladat
Laprdat bez veze,a ne nastradat
Lijepo govorit,bez veze i štošta
Jer laskanje nikog ništa ne košta

Kad došlo bi mojih tih pet minuta
Ja bio bih spreman za okret kaputa
Pa nije ni važno za koga se bore
Najbitnije da sam politićki gore

[riba]

             Tišina

Otreslo bu nebo se oblake svoje
Tu prostirku belu posložilo tihu
Nad zipkom naj sakom senje pričuva
Tišinu prinese spopevanom stihu

Na straži bu mesec žuti pripazil
Od zgoraj na oba oka bu škicnul
Ni mišek tišinu da ne zremeti
Poradi gladi dok nekaj bi gricnul

Još poslalo nebo bu zvezdica roje
Snežni naj vanjkuš zlatom škropiju
Dok pesmu tišine odfučkaju vetri
I zibanjem svojim svet ne vuspiju

[riba]

                   Vuletje

Prašinom srebra bil je zaprašil
Zimom i ledom stanare pogostil
Jaglac mu žuti bu rado zatrubil
Dok prvom se lastom bude oprostil

Zacimale buju razbeljene glave
Nadigale listje šumarice plave
Zadišale ljubice spod zelene trave
Zvonček zazvonil bez mužike prave

Zapredali gnezda ocrnjeni kosi
Pljeskalo suncu kaj zimu odnosi
Potoćec žuboril,kakti da prosi
Skotural se kamen na put da prkosi

Klepetati stale povrnjene rode
Neju ostajale ribe bez vode
Pokazalo bude se cvetje za plode
Pozabljalo bude na zimske se zgode

Razdvojilo ljude od odmora delom
Zimske spavaće poćastilo jelom
Navabilo decu na igranje selom
Rascvetalo bude po kraju se celom

[riba]

        Kača 

Nema ga kom je lepše na svetu
Na sonce se zvleće z velkoga draća
Jer zime ta nikakve nemre podnesti
Si leži,a ide sprepigana kača

Zato po zimi luknju si najde
I nutri zamota se kakti pogača
Pa ćim oseti da konec je snegu
Na kamenu zgretom toplinu si vrača

Je inače mirna,ak se ne peha
A onda se plazi,i glavu obrača
Rado na vroćem se asfaltu peće
Tu život zgotovi spod kakvog kotača

Ni se je vredno z nju se zaigrat
Æe vgrizne buš fletno pital za vrača
Pusti ju naj se posunča na miru
Bi mogla pri hiži napraviti plača

Kak sako živinće posla svog ima
Zakaj da onda životom to plača
No će pokoja se preveć pozabi
Na hižnom joj pragu presudi štihača

[Siki]

Super ti je pjesma.Samo mi nije jasno kak si se kače setil po ovakvoj zimi i snegu.

[pissta]

Na ti ga znoveč,
zametal je breg,
neda na posel
taj dosadni sneg.

Al sounce je zišle
Pa ga tali,
Još male počini
vinca si spi.

Jemput kad kreneš
Neš više stal,
Dok grozd ne pobereš,
Neš mirne spal.

Ovu sam sklepal za pajdu Zagorca...nadam se da drugi tjedan krećemo v trsje i ti i ja i svi ostali zameteni snegom.Riba bu još koji tjedan moral počekati.
Ja v svoje nisem ušel od berbe ak ne računam Vincekovo,premda sam i onda bil samo na početku reda...s kupicom i kobasicom!

[riba]

Pa kakav bi ja to bil umjetnik kad bi ti to mogel objasniti
 

[riba]

              Ljubav

Predobro osetiš taj ljubavni žar
Z velikom strujom on ide pod par
Jer jeno i drugo  zadrma te isto
Leptirek f trbuhu,il volti je tristo

Zaljubljeno srce sam kaj ne pući
Zapleće je jezik,govorit se mući
Spredršćeju ruke,a ćelo preznoji
Kom ljubavno stanje sudbina skroji

Zažareni pogled ljubav izdaje
Zamegljenim reće već da ne traje
Za nikoga ljeta ljubav ne broji
Rad nje se narodi,živi ,postoji

[riba]

               Uvek dojde kraj

Vmrl budeš jemput,ovak il onak
Sakomu pesek scurel bu z vure
Kak onima koji na istom su mestu
Tak onima koji zanavek se žure

I prilika sakom se njegva ukaže
Al pameten samo ju zgrabiti znade
Bil onaj kaj navek za poslom je prvi
Bil onaj kaj dneve zemaljske tu krade

No,moliš ne moliš,ti stranice lista
Je pitanje samo do kojeg bu broja
Kak zadnja dogarja za tobom se sveća
Tak knjiga živlenja zaklapa se tvoja

[riba]

               Smrt

Æim bi sprehodil,već te vućiju
Smrt kak je samo prelazno stanje
Drugi da z njom se život zapoćne
A ovaj pretvara u većito spanje

Zato pomalo i slići venćanju
Donesu se rože,ponudi kolać
I mužika sakog sprati na kraju
I suz se sprolije i ćuje se plać

[gabro]

Ej,riba a šta ti se dogodilo kad idu ovako morbidne pjesme?