Poezija i proza

[riba]

          Vinska muka

Godina niz je on u problemu
Lagano ima pred berbu već tremu
Do Božića vino ga drži u šoku
Mutno ko da si s mrenom na oku

Veli,pri njemu da prilićno šumi
Sad ili je zbilja,ili nam glumi
To majstori pravi bi morali čuti
Da nam se Vladek preveć ne ljuti

Bez stručnoga suda tu nebude ništa
A stručnjak mu pravi sused je Pišta (Pissta)
Jer njegvo se vino nikad ne kvari
Nos taj ti ima za takove stvari

Pa makar sad stvari dobro ne stoje
Zima ti bude odradila svoje
Nek se to vino preveć ne kudi
Na stolu nek bude i društvo ponudi

[riba]

        Zima na pragu        

Eto ga došlo i njegovo vreme
Krove črlene zdušno zamaće
Grabe natoćil,njive razmoćil
Težake rastiral,rastiral oraće

Æak je i stari zdenec oživel
Kaj je od suše raspucal se leti
Pa je poplavil po celom dvorišću
Nemreš te silne vode zapreti

A slamnati škop prislonjen pri zidu
Otežal od dejžđa sam se je zrušil
Do vuletja vlati  mu budeju sprhle
Badava veter su jesen ga sušil

Još dok potegne od sever k jugu
Vrapce pod strehu sitne postroji
Tu zima otklopi stranice svoje
I jesen skup z dejžđom se upokoji

[riba]

    Ljepše nek zdaj

Je pa je negdar bila bokčija
Sedeli ljudi su doma bez plaće
Morti bi kakovo jajce de prodal
A krpa na krpi je krasila hlaće

Æe bi se našlo kaj za požeti
Bi škrinja na najžu čuvala žito
Ak pa bi žena štela kaj speći
Presejalo melju bi likovo sito

Ta njivica mala slabo je dala
Radi su bili krumpiru i grahu
Par koši koruze koja bi zrasla
Povesili lako na leskovu rahu

No su sejeno živeli mirno
Su mislili nemre drugać ni biti
Pri lampašu znali zvečerke se najti
Spominati dugo,se šaliti,piti

[Agroteka]

Heh... Jel ti to o bliskoj nam budućnosti ili prošlosti ili oboje:)

[Siki]

To naš riba piše o buducnosti  kak Nostradamus u stihovima...

[Agroteka]

Tak se i meni nekak čini!!!!!

[riba]

        Na pravome putu
        
Htel bi za sobom nekaj ostavit
Počem bu neko zmislil se nate
Tu istinu drevnu povest donaša
Tek nakon smrti ljudi te svate

Prelepe je slike neko naslikal
Kakti da leti neko je plesal
Neko je gusle kaj biser prebiral
Neko pa kamen mramorni klesal

Za pamćenje treba se se zapisat
Obznanit na listu i radost i muku
Oćevu hrabrost treba spomenut
Zahvalit toplini se majćinih ruku

Pute življenja sunce nek žari
Otrgnut ga treba zloći i tami
I dok te silne čekaju knjige
Nek te se dotle niko ne srami

[riba]

     E,moj voćaru  (SAS)

A vidi ga kak je zapel do daske
Nezna a voćku bi vezal,il kolil
Bil koju zalival,ili okapal
Il bi pred kojom Bogu se molil

Jednoj je nekak koren prekratki
Druga mu preveć nebu se diže
Pa nije ti voćka gušteru slićna
Da ti po travi dole se gmiže

Baš si pomislim,kapa mu dole
Pred oći mi skoći silna plantaža
A kad ti ono ,vidi na kraju
Voćkice tri su njemu gnjavaža

Samo ti išći pravu za sebe
Ja rajši po selu za pucam bi hodal
Za koje leto ,dok ti prerodi
Buš skužil da itak ti krivu je prodal

[Agroteka]

Lool:) svaka čast !!!

[riba]

a nikaj  .pošto sad već nem smel zafrkavat forumaše(jerbo bi lako neko me tužil),moral bum prejti na sunce,ptičice,rožice itd,itd...no jenu bum još političku..pa kaj bu,bu      

     Najnovije stanje

I imel bi čovek sikaj još reći
Al,nesmeš jer novi zakon  ti preći
Pa ti je badav i pamet i znanje
No koment na snagu je stupilo stanje

Kaj se tu piše čovek se zgrozi
Kak cucek bu treba biti pri nozi
Gospon ti sudec na repa mam stane
Oddelat za kaznu nabroji ti dane

Sad se bu videlo kolko te voli
Kad sused pri sudu ti kosti ogoli
Bolje na ognju jezik si peci
Nek da se groziš ženi,il deci

Teško tak moglo to bu se glihat
Još malo pa ne se smelo ni dihat
Ak buju za se se tak delile packe
Ja cajte ne kužim te demokracke

[riba]

           I kaj reći

Narajši od ćemera se bi rastrgal
Dok vidiš kak nekam krivo se pelja
Kak jabuka zgnije dok črv ju sprevrta
Tak je i v čoveku se manje veselja

Nakam su ljudi ponoreli čisto
Sega da stigneš bi moral leteti
Taman se zdigneš,već noć te pokriva
Ne zna se više kaj znaći živeti

I kaj buš na kraju imel od sega
Ak nigdar na miru nisi ni sel
Na postelji smrtnoj neš imel kaj dati
Jer vražji taj posel već dušu je zel

[riba]

         E,moji Hrvati

Kričali jesmo:samo  je naša
Æe štimalo nebu,sami smo krivci
Vidiš ti kaj se pa zrodilo s toga
E,jesmo Hrvati mi silni naivci

Je nam pristižu baš fine ponude
Časom se slažu,ćas lomiju bratstva
Se morti i zgodi da nekam nas zemu
Al,kaj tu ostane od našeg Hrvatstva

Teško ak nemo pogubili tu se
Kaj ftičeki mali dok zletiju z gnezda
Ak neko ne pute tu nam pokazal
Pokopala bu nas ta Evropska zvezda

[riba]

        

    Zimsko veselje

Evo ga došli sad su na svoje
Oni kaj zima im dela veselje
Sad skuhano vino struja je telu
Posušeno meso pa začin za zelje

Krasiju svud se te pahulje bele
Po selu opala je čudna tišina
Je velika radost sneg taj za decu
No problem je glavni njegva visina

Je super ak nisi vani na zimi
Nek pećicu grliš dok vani se mraći
A kaj će od nekud doma putuješ
Bi štel se požurit,al nejdu kotaći

Kup na dvorišću ga raste pa raste
®ulj od lopate mi vidi se z brega
Nek se veseli snegu ko hoće
Ja preferiram zimu bez njega

[riba]

           I to se zgodi

Suseda gledam snega kak struže
Orošeno čelo z rukavom si briše
Malo tam dalje zdignul pes nogu
Pred nosom figure žute mu riše

Zaletel se sused da bi ga zgrabil
Al pesek se vraži ni dal prijeti
Pa se posmeknul,bubnul na pleća
A kapa z lopatom po zraku odleti

E,jesam se dobro tu mu nasmijal
Tresnul je tak da se zdrmala hiža
Zloćesto još sam ja mu dobacil
A jeste si dobra sad zravnali križa

Dok sam pomagal da se pridigne
Spominjal je oca i duha i sina
No onda smo se to deli na šalu
I prešli si spiti po kupicu vina

[riba]

         Nek tak ostane

Odvajkad je v Zagorju bilo kak treba
Ak bi ko komu napravil sramotu
Nije se moglo prejti prek toga
Pri sudu se pisalo prosvjednu notu

A nisu se samo grabili muži
Znamo da ženske ogenj su živi
Pa kad bi znalo tu se zakuhat
Bilo je pravog rata na njivi

Još i dan danas do toga se drži
Se kune prek plota i trese se lesa
Tu neki za pomoć ženu pozove
A neki junaći huštrenjem pesa

Za veke vekoma tak nek ostane
Dok v Zagorju žive bu duše i tela
Jer pametno neko jemput je rekel
Æe zgine navade,bu zginulo  sela