Poezija i proza

[riba]

            I opet istina

Nekom su sreća za vikend toplice
A nekom veselje su rodne gorice
Dok nekomu srce za bregima pati
Dar pravi je nekom grozdek kaj zlati

Dok jenima bura vale raspinja
Drugima vetrek listje razgrinja
Nikak vun ziti s tog čarobnog kruga
Najteže je prirodi zvati se sluga

Dok se ravnicom ti žito zaklati
A vihor posloži po zemlji mu vlati
Kak da si zlato poljem rastalil
Kom radi toga bi se požalil

Æe kaj i rećeš,te ko bu posluhnul
Se reći zgubiju dok sveću bi puhnul
Nema se druge,tak mora to biti
Nadat se boljem,veselja ne kriti

[riba]

         Se bu kak negdar   

Æim nekak  mogel bi leta si vrnut
A pamet ostane da ova  mi stara
Pa dok se spoji stom pameću mlado
De mogel  najti bi takvoga  para

Tulike toga još štel bi napravit
Al stare me noge se teže držiju
Misel se vraća dnevima prošlim
Tim letima koje kak ogenj goriju

Denes ti nihće za nikog ne mari
Nekak se čovek  čoveku skriva
Se bude ftihlo kak negdar na svetu
Bu tranjik zarasel,gorica i njiva

[riba]

Par prvomajskih


         Grah

Kakvog veselja ob zdelici graha
Kaj da si doma ne bi ga skuhal
Pa bi na miru si lepo ga pojel
Nej lukal nekog de f prsi se buha

I još za mesto onda se rivleš
A kuhar se žali da ne imel dosti
Posudu napuni grahovom juhom
Nutri pa pliva svinjnskih par kosti

Na klupi se tiščeš s tuđimi ljudi
Ni levo,ni desno da bi se mrdnul
Si misliš kaj moreš,ve kaj je tu je
Æe nikaj drugo od toga buš prdnul

Tak ti to prejde to majsko veselje
Rekel bi skoro,čistam bez veze
Bolj da si lepo spod slive počival
Nej te po črevi ve lovile jeze

[riba]

             Političar
                 
 Za politiku nemre saki ti biti
Tu istinu dobro moraš znat skriti
Bolj će ga lažeš naj zgleda za praf
Okom ni trepnut će zalomi se gaf

Držat se svoga kaj pijan plota
Nedat se nikom tu da te zmota
Je linija saka druga ti kriva
A sveto je pismo ti direktiva

Dokopat se stolca,ćim višeg to bolje
Za nekog prevarit furt imeti volje
Ne se osvrnut de neko bi zdvajal
Kam bi se došlo ak sakom bi vgajal

Stoga to posel ni baš tak laki
Niti političar more bit saki
Politički moraš vudreni biti
Jer viziju tvoju se neda vloviti

[riba]

         Kak i uvek

Glasno se javi će ti kaj smeta
Pravicu se neda stirat mučeći
Razdražiti ljudi dadu se lako
Onda na cestu zidu kričeći

Još će jih neko malo podusi
Bolje naj iti preveć jim blizu
Nisu se zišli s čistoga mira
Nemreju više durati krizu

Samo kaj lahko njih ti se zbludi
I za te kriće već nikog ni briga
Prejde par dani i hura se zmiri
A v žepu ostane dalje im figa

[riba]

        Kmica

A ko se to kmici još nej veselil
Tu se ne vidi ko koga ščiplje
I kaj se tek mora onde dogajat
De čuje se samo kak postelja škriplje

Još dok se zmislim škednja koruze
Sak se na svome kupu je gnezdil
Jedva počakal da svetlo se zgasne
Pa ko bil kraj koje z njom se je jezdil

Cika i vika zamenila šalu
Do susednog sela čulo se smeha
Silili dečki,se branile puce
Kakvog tu znalo napravit se greha

Odnela tehnika su tu lepotu
Traktor ve drumlje koruzicu žutu
Starih je dečkov preveć po selu
Jer dekle ne vidiš više na putu

[riba]

        Na žalost

Alaj se ljude lako razdraži
Skočiju gore si v jeden glas
Pomoć kom treba tu se pokaži
A ne da ga kolješ za isti čas

Knjige i knjige napisali jesu
Koji put itak nikaj ne znaće
Saki dok svoju otpre ti lesu
Sakoga muče drukćije daće

Nekom recepti tog celoga sveta
Ne buju išli nikak pod šmek
Komu ne pašeš čez duga taj leta
Te navek bu lukak nekak poprek

Čoveka srđba tak rado zarobi
Pa se kaj ogenj stiha razgara
Onda on srdit ti sega nadrobi
Ostane bez sreće,pajdaša i para

[riba]

       Flakserica

Kolko znam flaks je za ribičiju
Ve pa gorice z njim se kosiju
Još ga po farbi  najde se raznog
Se već v gorici mesta je praznog

A kak sam si negda veselo vezal
Sam fučkal i ftiće na pesmu potezal
Daj jih ve najdi,si trdo mučiju
Vraži ti stroji non stop ga brenčiju

Zovem mejaša,no me ne čuje
Stišće ju kakti da ju kušuje
Æe se pokvari najemput se smrkne
Dve hiljade odma za novu on frkne

Druge navade su predi tud bile
Po trsju bi motike samo zvonile
Spominat se susedi v redu bi znali
A kaj su imeli jen drugom su dali

[riba]

        Dnevi  pred leto           

Zmešal je veter se duhe i vonje
Bi bila to bezga,il trs to diši
Zrakom vrti se,v nosu žugeće
Pokošeno seno kaj se suši

Zlatnimi krili zabliskaju pćele
Tranjiku gosti i sakom dvorišću
Plavi kaj nebo,kaj ogenj črleni
Ne spiti si cvetek saki poišću

Kakti brat brata se cajgeri love
I mesec najemput sunce zaskoći
Se zapreju cveti do novoga jutra
Ostane tek lipa dišat po noći

[riba]

  Evo jedna s posvetom,nadam se da se kolega prepoznaje u njoj  
   
    A morti i bu kaj

Rascval se i prešel mesec Maj
Vidli nismo Karlovački kraj
Skoro zbog tog zapal sam u krizu
Jer do tam mi ni baš preveć blizu

No prijatelj tu me zato spasil
Datum fešte srećom ni oglasil
Misli on pokazat trsje svoje
Pitanje je samo leto  koje

Bu postojal valjda još taj forum
Da pajdašov tam se zbere kvorum
Mesto  srne dober bu i fiš
Æe ne pozval itak nikom niš

[000000]

evo malo matoša

O, ta uska varoš, o ti uski ljudi,
O, taj puk što dnevno veći slijepac biva,
O, te šuplje glave, o, te šuplje grudi,
Pa ta svakidašnja glupa perspektiva!

 moje psihotično stanje poslije dnevnika i premijerkinih komentara

[riba]

         Pomrčina

Di nam to snoćka mesec je bil
Ni oblaka bilo za koj bi se skril
Ne najdeš tam gore ni grma ni plota
Med Sunce i Mesec to Zemlja se zmota

Preveć prevelka od njega ni nije
Al Sunce mu celo ona zakrije
Ni videti bilo ni zvezdic je roja
Tu i tam samo bi blesnula koja

No ne pozabi joj stara to hulja
Denek po denek  k Suncu se šulja
I onda ti Zemlji tak isto napravi
Da Sunce joj skrije on se postavi

[riba]

         To je posel

Lepo je ak si gazda v gorici
Onda tu delaš kak ti je volja
No ti je posel malčice drukči
Tu ti ne vredi tehnika s polja

Z motikom zato zide na isto
Pazit se mora da krivo ne fsećeš
Na kraju dok reda ravnaš si pleća
Fala ti Bože isto tu rećeš

Ali je razlika jena prevelka
Jer z njive pobegneš dimo skrivečki
Dok pa pri kleti spod meseca svetla
Popevleju dečki već skoro žmirećki

[riba]

                Drevo

Sto letno se drevo od starosti hvija
Po spukanim hrgam dešć mu nabija
Od  vetra kak satri zub se rasklima
A kora se draplje dok tišće ju zima

Sonce več njegve te rane ne zleći
Ni korenom snage dost more poteći
Ga glodati voda  tam zgoraj načela
I luknju pri srcu se vekšu mu dela

To cviljenje njegvo tišinu potere
Æe ftić ga poseti još nanj se posere
Samo na bregu,kak krpa je f kutu
Kak čovek pred smrti sakom na putu

[riba]

       Prošćenje

Kakva je gužva zvunaj pri plehu
To pri oltaru pop nebu skupil
Su ljudi to strahu svojemu grehu
Il popu da nebu špotom ih lupil

Tu sakemu paše pečenkice duha
Za prodiku popa komu se fućka
Mami te kotlu masna ta juha
I čislo kobasov kaj nutri se bučka

Se drečiju deca,popevljeju stari
Jeden na drugog pri stolu se tišće
Veselje tu niko nikom ne kvari
V gemišteku utehu saki poišće

Muž rad bi ženu nećim počastil
Dečko si pucu bu srćekom lovil
Sak bu se nećim rado omastil
A pop bu na kraju se blagoslovil