Poezija i proza

[riba]

                Sonce.

Je zvezda nebesa kaj hudo tak sveti
Kaj grize po zimi,a skuri po leti
Kaj vunju pogledat nemre se moći
Kaj fmnoge i dneve zakrita preskoći

Su meglu i rosu zjutra raspudi
Na kokota pesmu navek zamudi
Æim ga zažari se živo spovene
Se strahe rastira i črne se sene

Tak žalosno jutro bez nje ti se zbudi
Rad ftićek pod svetlom njenim zagudi
Po zimi se voli,po leti se špota
Bez zvezde te ipak nega života

[Mc Ozy]

Pajdo, ti si Generalić hrvatske poezije. Saka čast. Zadnji je čas da počneš izdavati zbirke popevki !

[riba]

          Tu ljudi živiju

Tak lepi črleni se krovi svetliju
Zamusani dimnjaki nad njimi stojiju
Po velkoj vrućini tu same drmiju
Čez zimu pa selo so zakadiju

Namesto žutih se puti črniju
Pod soncem žarećim grdo smrdiju
Preglatki da mlake se za nje loviju
Po njimi da mala se deca škropiju

Hiža za hižom na kup se tiščiju
Sikakvim farbam jim cigle poskriju
Plastićna okna dvorišće glediju
Si hitili vun  su drvenariju

Noći su bele jer lampe goriju
Pa f postelji ljudi na silu žmeriju
Tu same pijanci zjutraj krićiju
A žganci domaći već ne dišiju

[riba]

            Pred branje

Sedi daj zmirom tu si pod brajdu
Si zorce posluhni di već zoriju
Pesmu čez brege znanu je čuti
Silni po noći,po denu čkomiju

Te jagode trde,kalne,zelene
Još po koritu kak šuder zvoniju
Čim bi se koja zmekša  malo
Znju ftičeki lačni mam odletiju

Zvlačiju vun se strašila lanjska
Pera puranjska,mreže, klopoti
I strgani,čudni dedi s klobuki
Pomoć su menjšoj ljuckoj grehoti

Male po male se grozdek rascufa
Se jagode nemreju biti na broju
Tak ti od negdar zrihtano tu je
Naj saki odnese si porciju svoju

[riba]

             Leptir

Viš čudo,kaj da je zvezda opala
I kak ju to videt po belom je danu
A to ti na soncu leptirček se bleska
Dok krila prehiti na drugu si stranu

Il misliš da cvet je to se otrgnul
Pa veter razmeće ga dole i gore
Čas bil pri nebu,il pa pri zemlji
Kaj da dva Bogi zanjeg se bore

Po otprti krili se duga sprelije
Na najlepšem toga ne vidi se cvetu
Æe zlatnoga praha mu doli spobereš
On letel već ne bu po ovomu svetu

[riba]

             Kvasi,kvasi.

O kvasu rečenica skoro bu saka
Tu ti bu iskala u jajcu se dlaka
Kak jeni su spori,drugi su žurni
Jeni bolj tihi,a drugi bolj burni

Da nekoje treba dva put nahranit
Nekoje zmošta čim predi odstranit
I kupljeni da su nekak bolj življi
A nekak prespori da oni su divlji

Za posebne cukora treba još deti
Ti zmošta si sami ga nemreju zeti
Æe ih ne mešaš se skroz zaleniju
Na dnu ti se bačve još zasmrdiju

Takvih je koje se nemre  zbuditi
Nemreš to onda sam tak pustiti
Kolko je muke da zide kaj fino
Na kraju prekuneš i trsje i vino

[Komsic]

         Moderno selo

Tak lepi črleni se krovi svetliju
Zamusani dimnjaki nad njimi stojiju
Po velkoj vrućini tu same drmiju
Čez zimu pa selo so zakadiju

Namesto žutih se puti črniju
Pod soncem žarećim grdo smrdiju
Preglatki da mlake se za nje loviju
Po njimi da mala se deca škropiju

Hiža za hižom na kup se tiščiju
Sikakvim farbam jim cigle poskriju
Plastićna okna dvorišće glediju
Si hitili vun  su drvenariju

Noći su bele jer lampe goriju
Pa f postelji ljudi na silu žmeriju
Tu same pijanci zjutraj krićiju
A žganci domaći već ne dišiju

E jebi ga riba , trebao je i naslov zavrsit sa " iju  "

[tupka]

Crna majka- Marija Bistricka

Dolazimo k tebi , Crna nasa Majko,
svak od nas nosi srce i boli svoje.
Dajemo ti dare i zahvale svoje
to su pjesme nase i vapaji suzni.

Majko ,ti nas cuvaj, Majko ,ti nas brani,
Zvjezdo roda naseg, Crna nasa Mati.
Duso duse Hrvatske, Isusova Mati,
Sunce nasih stradanja ne prestani sjati.    

Oko tvoga oltara rijeka ljudi ide,
ruke k tebi dizu, pjesmom molbe niizu.    
Srca uzbudena suze roni svaki
Tebi uvijek klicu:O Bistricka Mati.

Svaki hodocasnik sklapa ovdje ruke
trazi pomoc Bozju, snagu Djeve Majke.
gradi nove crkve u vjeri otaca
da bi vjera jaca od icega bila.

Daj nam svecenika, Majko, po svom Srcu,    
cuvaj njih i brani od davolskih zamki.
Da bi tvome Sinu uvijek bili vjerni,
ti ih, Majko, stiti i na pomoc budi.

Majko ,tu te moli srce svih Hrvata,
tvoju pomoc treba, bio star il; dijete.    
Mladost nasu cuvaj i vodi ih k Bogu,
obitelji nase od svakog zla cuvaj.

http://www.youtube.com/watch?v=Lx6nKKqIuAs&NR=1

[riba]

              Zorc

Kom bu popeval dok grozdja već ne bu
Tu pesmu kaj sak ju je večer spočinjal
Se skrival po zemlji,po listju potezal
Do ranog se jutra s pajdaši spominjal

Bez grozdja i njegva se pesma zatihne
Si gusle pospravi pod nekakvu grudu
Za novu on berbu bu arije skladal
Tak da mu onda pri ruki tu budu

[riba]

             Za pajdaša

I  budeš mi herza modernog dobil
Al bude li on ti za grunta tak tukel
Il rajši pod slivom z njim buš se hladil
Kaj ne bi kak stari i on se raspukel

Nekaj se stari umoril od sreće
Nekaj od tuge,a nekaj od straha
Je nekaj i žena  tomu pridala
Makar je videt malo bolj plaha

Lako je tebi iz svetoga kraja
De anđele sebi ti ni treba zvati
Bil na dvorišći,il bil ti pri kleti
Zate se moli Bistrička mati

Valjda bu se to prešlo kak treba
Jer drugač i nikak nej smelo biti
I taman dok moštek malo se vreže
Ti nam ozdravi da smiješ ga piti

[riba]

              Mošt

Čul sam govorit kak ne bu pijaće
Jer sunce i suša niš dobro ne znaće
No stari je zakon od negdar još znani
Da jeno ti sušno dva mokra prehrani

Pak letos su eto posude se pune
Taj  kom ih fali potiho i kune
I kipeti poćel on istog je trena
Od njega po brenki cedi se pena

Kak ne bi kipel će je prevrući
Teško ga videt kak bogec se mući
Stog neko ga ledi,a neko poliva
Neko u mrzloj komori ga skriva

Prvo i prvo to da se znade
Sikakve mogel zadavat bi jade
More se desit da kipel bu kratko
I onda to vino ostane preslatko

Buš onda nutri si limuna kapal
Il po koruzi rad njega buš drapal
Ne znam kak drugi s tim se miriju
No Zagorci takvo vam vino ne piju

[riba]

               Stari cug                   

Nekak je drugač cug predi fučkal
Na štaciji stal bi,je kadil i puhal
Bi para ga bela skrila kak megla
Æe vodu bi malo preveć prekuhal

Klopotanje njegvo na daleć bi čuti
Iskre je metal kaj zvezda repača
Zacvilil,zaškripal čim bi zabremzal
Bi ogenj znal letet mu spodaj kotača

Tukel je tukel po svojemu glajzu
Ki zemlju je paral točno kaj kača
Za njim odišel bi nekam med brege
A fučkom najavil da curik se vraća

Je sunce ga peklo,je zibal ga veter
Vesel bil deci, bol delil bi z borci
Ve prhne zahićen za staro železo
S klupom drvenom i vrezani srci

[riba]

              Pred jesen

Štima Miholje s kostanji se žarki
I vetrom kaj listje raspuše po jarki
Tim moštima koji  tak su još kalni
Isto kak Zgorci kaj navek su jalni

Zlatnimi njive se dičiju klasi
Napikano zrnje kaj đunđe jih krasi
Je sonce krvavo dok brege prehaja
I zmenila  slika se celog je kraja

Pozabljenu jagodu najde si osa
Za kratko ne listja da vmiva ga rosa
Z dejžđem bu megla optočila sela
I stiha bu jesen si leto prevzela

[riba]

            Pred zimu

Kam got obrneš,tak se  već je pusto
Ne šumra kuruza,ju traktor je stukel
Bi šlajdral,i cukal,s kotačimi dukal
Dok žmehkimi plugi tud brazde je vukel

Je kesno,si zemlja počinuti hoće
Joj brazda se sveti kaj rosa na črepu
Još kakova riba po vodi se pljusne
I zburka ti voda na njenom se repu

Zagubljena raca  nebo razdira
Se vrti i kruži,partiju si išće
Pokoji čovek se drvima mantra
Jer huda ga zima stišće i stišće

Æim pahulje bele zaiskriju pute
Tišina razlije tim krajem se celim
Dok korake više te nemre se čuti
Zadrema si zemlja pod plaštom debelim

[riba]

         Izborna

Cupka se,cupka,a ljudi su lačni
Bez kruha želuci baloni im zračni
Znat nas prevarit im v malom je prstu
A poštene face kaj dete na krstu

Na skupu se čuje i fanfar i truba
Tu babice stare kupuju bez zuba
Tu  bez pardona ti laže se v oći
Al ni za vraga si nemreš pomoći

Kakva god bila vlast ti je ista
I voljenog vođe poštiva se bista
Fino ti žive na visokoj nozi
Ih briga ak neko se preti i grozi

Jadni pa narod trpi i mući
Sreća ak kakvu paricu skući
Misli da z drugom ekipom bu čisto
No ti za njega ostane se isto