Poezija i proza

[Brane]

ae ova je dobra dobra, bravo!

[riba]

          Savet

Kržljavom je trsu puno treba
Da bi zdigel se do prve  žice
Æe presuhi prst bi nutri rival
Ne bu spunil ni pol rukavice

Nej poslušat vegetarijance
Njima meso nije baš po ćefu
Kosti same se po njimi vide
Taman pravi za nasadit kefu

Kad nacickaš* si domaćeg špeka
K tomu složiš koji pušlek luka
Se zaliješ kakovim gemištom
Koga briga kak bu posle muka

Pa te straše da si preveć masni
I još slatki k tomu nosiš znak
Dok to čuješ mam ti se pogorša
Prek dve stotke odma dukne tlak

No vam ipak ni to tak bez vraga
Trebalo bi sikak se pričuvat
Nek po srcu ,il po glavi lupi
Več se sami nete mogli zuvat

nacickaš* - narežeš na fine,tanke šnitice

[ozren007]

vinogradari pozdrav....... potreban mi je nekakav govor dobrodošlice i molitva za blagoslov tsja za proslavu sv. vinka,ali  na štokavštini ako netko ima volje i želja.........vidim da ima jako lijepih stihova na forumu, ali su uglavnom na kajkavskom narječju ........................bio bi zahvalan ako mi netko uspije što poslati i izmisliti a da bude ugodno uhu, jer je za pisanje pjesam nikako nisam ... pozdrav..........

[riba]

           Na Vinkovo

Makar ne čuju se cvrčci ni ptice
Ni zima još uvijek ne otapa lice
Snijeg dok još grane lomi i svija
Trs sneni se budi i skriveno klija

Sad gazda si prvi lucanj odreže
Pa suhe kobase po žici naveže
Od tereta žica ta neka se svije
Od uha do uha svak nek se nasmije

Tamburi žica da zvoni u noći
Da žalosti nema trs u samoći
Nek sunce se ovog dana ne krije
Nek pune sve bačve Vinko nalije

Zalijati trsek nek nije prek volje
Od lanjskog da vino dade još bolje
Jer kakvog se grožđa pokaže u ljeti
Æe takva se pjesma pjevat u kljeti

Zato ne šparat ni jelom ni pilom
Sve goste ak treba primorati silom
Od vina da noćas im puti su krivi
Do godine druge nek bili svi živi

[riba]

            Za dobrodošlicu

Dobro mi došli svi voljeni ljudi
U skromnost što ova kuća vam nudi
Ja želim vam svima zdravlja i sreće
Da nam veselje potraje što veće

Svaki što pređe prek mojega praga
Taj srcu je mome osoba draga
Svu  brigu i žalost zapustiti mora
Nek vesele rana pronađe nas zora

Zapjevajmo trsu i mladom tom vinu
Rastjerajmo pjesmom svu tugu i tminu
A Vinko podari nek bogatog roda
Svakome trsu spod nebeskog svoda

Nazdravimo svakom dragom pajdašu
Tu  kapljicu spijmo domaću si našu
Dogodine da bi smo našli se mi
Podignimo složno te čaše sad svi

®ivjeli!

[riba]

       Se se je zmenilo

I kam se to zgubilo ono veselje
Dok dekle su grozdje gazile bose
Veseli žamor težakov po trsju
I muži kaj pute na plećimi nose

Cele je noći škripala preša
Po škafu drvenom je moštek žlaburil
Dok dedek bi čekal kaj prešu pošpana
Je sedel pri peči i ognjec si kuril

Kaplju po kaplju se mošt bi nacurel
Škafec za škafcem ga v lagev spotoćil
Pa konačno dok bi došel do vrha
Od sreće najrajše bil bi poskoćil

Tak se na leta to delalo z mirom
Nikom ni bila  prevelka je sila
A će bi denes nekam štel stići
Čoveku morala zrasti bi krila

Ni meštar za vino nemre se biti
Æe hiljade stranic se ne prelista
Kakva se tehnika denes tu nuca
S tim granicu deli fantastika čista

[Ivan]

Ni meštar za vino nemre se biti
Æe hiljade stranic se ne prelista
Kakva se tehnika denes tu nuca
S tim granicu deli fantastika čista

riba ovo je jedna od boljih, a ovaj dio je istina ziva..

[riba]

...ovu sam kiticu na kraju  dopisal ko zakrpu ,ono ko uz Widows ,da dam malo modernog štiha

[riba]

          Il maslina,il tikva

Kak se to maslina navek spominje
Pa nije ni tikva sad opala z Marsa
Ni dobro će stvar se baš preforsira
Prevelka nakraju pokaže se farsa

Na sakom ti piše da ekstra je klase
Čisto kak puca dok još je devica
Pa kaj je od tikve zmazano morti
I njena kaj sunce je čista koščica

Zakaj bi maslina bila  zdravejša
Kiselim dejžđom ćez leto škropita
A tikvinu pa ti je videt ni moći
Jer debelim mesom raste ta skrita

Il primorsko žuto,il črno Slavonsko
Začinjeni obedi z njimi su slasni
Æe ti pri jelu po bradi se scedi
Od jednog i drugog na kraju si masni

[riba]

         Vuletje       

Zaklimale glave bele na vetru
Rasipal se žuti jaglac po travi
Šumarica plava se nebu inati
Štel zvonček bi zvonit kaj da je pravi

I vrbova grana se macama štima
Glatkim i mekim pod prstom kak svila
Vuletje dugin si venček postavlja
Skrivečki kaj plete po noći ga vila

Probujeno sunce življenje priziva
Od snega dok stranice zima zapira
Toplim te vuletje dahom podraga
Optočeno zlatnim krilom leptira

[riba]

       Susedska

Draži me sused kaj navek se žuri
Misli da nekam bude pobegnul
Bi moglo to sunce ga grdo prevarit
Pošteno bu onda ručnu zategnul

Al je i meni nemir napravil
Viš kak je skrbni sused od jutra
Još f postelji žena mira mi neda
Ti pa se samo skrivaš tu nutra

Onda zahitim od sebe blazinu
Od čemera moram natešći si spiti
Čistam da malo pameti dojdem
Jer inače budem išel ga zbiti

Kog vraga mi ruži još dok je kmica
Pri meseca svetlu oštri već kolje
Itak zanavek je nekakva zguba
Da ženu si šlata bi bilo mu bolje

[riba]

               Poštar

Na žutem motoru svom juri po selu
Od pesov mu odma napravi se rep
Kojčeg sobom spakiranog nosi
Pri penziji tringeta dobi za v žep

Lepu čestitku sakom na radost
Telegram teški nekom za tugu
Nekom novine,il ček za platiti
Vrti se navek po istomu krugu

Retko ga vidiš da bi spoćinul
Od jutra ophaja rasklimane lese
Ste torbe nabite kaj rame mu vleće
Se žuri da sakom njegvo donese

Æe se kaj najde on rado prinese
Saki den drugi osim nedelje
Već ljudem je postal stara navada
Al pesom je zato znović veselje

[riba]

            Traktor

Motiku nikak nej preporučil
Z njom se je čovek preveć namućil
Al mukom se došlo do rezultata
Pa tehnika denes vredna je zlata

Predi si konja suhega tukel
I jedva on jeden plug ti je vukel
Ve pa zakapčiš plugov mu bunt
I traktor sto konjski profućka ćez grunt

Frezu po njivi samo posmići
Kakva to motika mogla bi stići
Kosi i melje,se skopa i zdrobi
Hujši je stari,nek novi na probi

Sikam ti gazda njega zatira
Po taktu mašinka stiha prebira
Bez njega su posli same pokore
Srećen je ko si privušćit ga more

[riba]

       Gorica,gorica

I eto ga počinje molitva stara
Samo da zraslo ćim bi ga više
Jer leto kaj malo bolje pothiti
Takvo se f teku niti ne piše

Sad se bu zvalo i levo i desno
Svoju bu šemu po zidu sak risal
A se samo radi straha prevelkog
Da nej kom sramotom trsek odisal

Ak trsiće hoćeš zdravo,zeleno
Prejti po njemu,da ti je bajka
Zaradi toga već traje nervoza
Za kemijom poćela prava je hajka

Tu treba dobro,bez žurbe premislit
Trgovec ti rado bilo kaj proda
Onda od šprica slabo bu vajde
Sem velike štete i nikakvog roda

[riba]

        Budućnost

Kak dugo more to zdržati kasa
Kaj brže se prazni nek kaj se puni
Dok tuđim se njivam klasje talasa
Tvoje blokiraju prevelki računi

Na placu dopadne te gnjila šalata
Sreća će najdeš zahićenu flašu
Se skrivaš gosponu kaj špeha te s kata
Od srama već nejdeš ni starom pajdašu

Praga čim prejdeš mam to te košta
Badav još trava hoće sam rasti
Taj dobro bu došel komaćek dvorišća
De buš bez stroška mogel se pasti