Poezija i proza

[riba]

Objavili mi tri pjesme u Bednjanskom listu,pa evo ova netom napisana i premijerno objavljena,da vidim bi ju ko znal prevesti na književni. 

     Tök vüm ja tö bile

Nefölduna kiklja su skrita pë škrinje
Sküpo s svetëšnjimi rupci krunöši
I löjbeci čërni,i čërni škërljöki
Ka su nejsilji jöš pradedi nöši

Kökvö tö sljiko ja bilo ze videt
Pred maljinem dedi störi ne küpu
Bijela bërguša ne bösi negumi
®öklji ne plaći s kerüzu ze župu

Mešö v Nedelju,zënöveke güžvo
Nie bile ölta kie ta zemalja
Neparjena cimbulji su znüla zvenjiti
Tüj meste ja bile ze pröve vesalja

Söku večarku ja pesmo sa čülo
Ed siedo ped sljijvu zgërilo bi tröto
Sračni s tiem müle köj su imelji
Köj döle sa zljieći z Zögerskegö blötö

[Brane]

da vidim bi ju ko znal prevesti na književni. 
 

nije problem samo se treba prebaciti na bednjonski....slično ko da čitam engleski

[COS]

Evo pokušaja prijevoda prve kitice, nadam se da je u redu, može pjesmicu pokušati netko nastavit.

           Tako je nekada bilo


Plasirana haljina je sakrita u škrinji
zajedno s blagdnskim maramama "kronušima"
i prslucima crnim, crnim šeširima
koje su nosili još pradjedovi naši.

[riba]

     Ni to dobro

Kakva je negdar bila bokčija
Ni kruha se za čeg ni bilo kupit
Pokrpane hlaće i gazda je nosil
Koji po stolu znal šakom je lupit

Za koricu suhu se kopalo dugo
Čudo je bilo meso na stolu
A žganci koruzni za vjutro i većer
Bili spodobni na smrekovu smolu

Pravog veselja videt je bilo
Æim bi se črešnja zazorila prva
Su v zeleni kadar pobegla sa deca
I ko bi ih stiral stog črešnjevog drva

Danas je došlo da sega se ima
I gdo ti na cesti već bokca poštiva
Od šverca se ipak bolje da živet
Pa zguba prevelka postala je njiva

[riba]

       Krivi pristup     

Kleti me zoveš jemput na leto
Da naj ti rečem kakva je roba
E,moj prijatelj za ocenu pravu
Saki je teden potrebna proba

K tomu još kupica najde se fina
Kaj duha nej prešla preveć široko
Kulike kapljic nutri tu stane
Komotno bi mogel si vlejati v oko

Trebam pofalit,jer v dušu te poznam
Krivo će rećem,mam nos je do poda
Al ti za škrtost moram spoteknut
Tak v cirkvi ne špara ni sveta se voda

Nemam kaj reći,tu je lepota
Od kletice vidi celi se kraj
S vremenom valjda se gazda popravi
Bu z nami pri kleti popeval kaj zmaj

[riba]

pa kad sam već obećal

               Neženja

Leto već drugo tog poznam fakina
Al nikak se ne da deti pod kljuća
Teret na rame mu baš se ne mili
Prevruća još to je bećarska duša

Vidim da Anica svojski se trudi
Njegvo bećarstvo joj kakti ne smeta
Samo ćim skupi se prava partija
Pogubi se dečko s ovoga sveta

Kolko se kome dalo bu zdržat
Se morti bu ćulo,a morti i ne
No z leti ti dojde i pameti nekaj
Pa prejdu ti z glave gluposti se

Buš moral se ženit,a zakaj i ne bi
Samo kaj već se ne ti po tvome
To ja iz lićnog iskustva bum rekel
I moja ti Ankica potegne po svome

[riba]

     Već ga ne vidim   

A kak mi ga lepo bilo je videt
Zrihtan kaj pravi gospon bi rekel
No se je nekam drugam odselil
Je njegvu živicu neko posekel

Znal se je štimat v črnomu fraku
Kazat kljun žuti mu bila je dika
Dok perje bi rihtal na staromu trsu
Čoveku sakom najlepša bil slika

Makar i znal mi štete napravit
Al kak bi to mogel zeti za zlo
Tak veselo on je skakal po zemlji
Da žalil dat ne bi grozdov mu sto

Pitam se kam je to moral oditi
Po mojem ga trsju videt već ni
Se nadam da našel je novu živicu
De z družicom svojom mirno si spi

[riba]

da ga ne zakinem...zaslužil je

               Podrumar 1987

Od druženja drugog on se pojavil
Da bi na trećem nam se pridružil
I odma bez straha vina donesel
Nek probamo će je dobro se skužil

Gorica je videt na pravome mestu
Prevelka ne mući ga kiselina
Litru od sakog po jenu donesel
Al kak mu dišiju da je milina

Nek te ne mući ni kritika neka
Il da buš  klećat moral ti f kutu
Po onom kaj sad si donesel na probu
Je jasno da nisi na pogrešnom putu

Nauka nije to tak preteška
Gorice ko dela,tom rad je vrlina
I ak i malo se propisa držiš
Nigdar neš ostal bez dobroga vina

[riba]

      Tak je,tak

Ko bu se zaklel f poštenje do groba
Ak življenje do smrti zanavek te proba
Se malo zamraći,pa znova zablista
Komu to savest sto posto je čista

Itak na kraju sak platil bu ceh
Na spovedi doznaš pravi svoj greh
Po redu se jeno za drugim poslaže
Kom dati na ruke da toćno odvaže

I mući se onaj kaj nosi prstenje
I komu su sprosili jedva krštenje
Ni važno sad ćija je kakva krivica
Ti smrtna je postelja samo pravica

[Mc Ozy]

Tu i tam se zaletim i pročitam po desetak pjesmi, kad zaostanem i zbilja mi paše za dušu. Samo napred dragi naš pajdaš.Lijepa ti fala i saka ti dala !

[riba]

pa drago mi je kaj još uvek neko nekaj proćita,i još ak mu se dopadne.
Fala lepa!

[Mušketir]

pa kad sam već obećal

               Neženja

Leto već drugo tog poznam fakina
Al nikak se ne da deti pod kljuća
Teret na rame mu baš se ne mili
Prevruća još to je bećarska duša

Vidim da Anica svojski se trudi
Njegvo bećarstvo joj kakti ne smeta
Samo ćim skupi se prava partija
Pogubi se dečko s ovoga sveta

Kolko se kome dalo bu zdržat
Se morti bu ćulo,a morti i ne
No z leti ti dojde i pameti nekaj
Pa prejdu ti z glave gluposti se

Buš moral se ženit,a zakaj i ne bi
Samo kaj već se ne ti po tvome
To ja iz lićnog iskustva bum rekel
I moja ti Ankica potegne po svome

svaka čast riba, baš me znaju nasmijati tvoje pjesme

[riba]

       I de je tu pravica

Jesi zbrisal,al si se posmeknul
Pajdašiju grdo  zabezeknul
Ve bi radi v luknju se poskrili
Već f partiji stobom ne bi bili

Zate predi  v ogenj ruku dali
Kakti jeden si za tobom stali
Viš kak ve se tvoji čude zloći
Drugu stranu obraćaju ploći

A tak lepo bilo se je puhat
I pred svetom se po prsi buhat
No najemput nekak bolj su tiši
Bi poskrili radi se kaj miši

Splivalo bu sakom njegvo sranje
Makar delal dober se kaj janje
Badav klel se z mamom ili tatom
Sudec vudril sakom bude z batom

Zišlo denes jedino je v modu
Kaj se sudit nedaju svom rodu
Lakše jim je će ih lucki vreže
Doma nekak strefi to bolj teže

Il bil doma,il vu belom svetu
Teško vrnul narodu bu štetu
Bečka nekog vozi ve kočija
Nam pa ista ostala bokčija

[Mc Ozy]

ravo majstor. Dobre si mu (im) odrezal !

[Mušketir]

EL Sanader story!!