Poezija i proza

[jnix]

Riba moraš ići u Krapinu , sad su neki dani kajkavske popevke i sl....daj da te vidimo na bini..........ak oćeš ja ti sve organiziram !

[tupka]

napred riba, bumo navijali

[riba]

haj,haj ....lakše malo s tim,nisam još baš toliko poznat u tim krugovima,al jednog dana .....ko zna


        Onak po starinski          

Odehnite malo,vi ljudeki marni
Jezero let još stoji pred vami
Ni vredno biti  preveć prenagli
Prefletno življenje zgotovite v jami

Kaj vredi ta suza na mrzli kamen
Æe gli bil to mramor,zbrušeni,fini
I pušleki cvetja se badav povenu
Već pesme tu ne ga,se je v tišini

Zakaj bi s poslom klal se do smrti
Ne bum ga držal,pustim ga z vragom
Dok najbolj je hudo ja ti odidem
Poružit po vrati prijatelju dragom

A će te pitam,bi znal mi ti reći
Gdo radi posla još hodi po raju
Rajši s pajdaši pri kletici staroj
To svoje življenje pripeljaj kraju

[riba]

         Istina il šala   

Pak se pričelo vinsko veselje
Tu nekoji drobi,a nekoji melje
V Zagorju trdo, Dalmaciji meko
Dok jeni ga truju,su drugi na eko

Dobro za hladit leda je deti
A di pa ga zeti pri drvenoj kleti
Planjke po leti i zimi tak griju
Da obrući z brenke prazne scuriju

Se kvase dok znosiš,dobil buš bruh
Ko zna a dobri bi bili za kruh
Od napasti sake moraš jih branit
Kak čučeke k tomu još to i hranit

V moštu premrzlom oni spustiju
Na sreću i radost se zasmrdiju
Da bil bi veselja pravi komplet
Smrad je v pelnici kakti šekret

Zato je predi nek krene se delu
Dobro pelnicu pofarbati celu
Onda i z vinom bu se kak štima
I sakom vinaru mirna bu zima

[riba]

Jenima  žalost,drugimi sreće         

Kak bumo brali,stalno ga rosi
Suncu ni traga da nekaj zazori
Kaj puži potežu se cukori gori
A kiselo još je,Bog nam pomori

Skotura po zdeli se jagoda trda
Zruži to isto da streli mužar
Morti tu koju najdeš i mehku
Al druge su taman za čekičar

Korisno nekaj zide i s toga
Samo će vreća se ne prehiti
Znaju to dobro beraći po dejžđu
Nacedi se onda dost više liti

[riba]

             Kćer         

Sikak je drugać ćerku imeti
Zasukne se saki fajn će je dekla
A srce dok svoju tu kašu zakuha
Pozabi se fletno kaj mama je rekla

Nemreš ju navek držat na žnori
Bolje će špotaš,na gorše ti zide
Tek onda za inat nić ne posluhne
Tak da od muke ti rogi se vide

Nekaj joj hoćeš pametnog reći
Al ona ti sili i sili pred rudo
Od straha već nemreš spati na miru
Da desilo bu joj se kakovo čudo
   
Čudo kak čudo,sam nek je zdravo
Æim se probudiš,zal već buš rutu
Pozabil joj se buš,pa i oprostil
I srećen buš vnuka vozil po putu

[riba]

          Kam to pelja       

Gdo je to predi tulike meril
A ljudi su fina vinčeka pili
Niti je neko imel kompjutor
Pa ipak su isto doktori bili

Priznat se mora,je grozdje milina
Plesnivo,gnjilo,kom to još godi
Al predi nek jagodu z njega bi pojel
Do jutra ga držiš na izvorskoj vodi

Slično tak nekak zide i z vinom
Samo kaj nutri tak se ne vidi
Jedino moreš skužit od prve
Su rizlingi zmleti,il su hibridi

Kak berbe još jene bliže su dnevi
Pred apotekom  to bolj je življe
Se mi to skupa zgleda prestrašno
Ja pustil bum svoje naj skipi na divlje

[riba]

        Vinković

Ni to baš traktor,više igračka
Za ozbiljni posel nemre ni biti
Još moraš pazit,jer ti na bregu
Nekak prelako rad se sprehiti

Nemreš ni reći da traktora imaš
V kakav got kotec lako ga skriješ
Al ni ti on ipak preveć za šalu
Pošteno se isto na njem spobiješ

Čuješ ga z daleć,nekaj brenći
Se mući po cesti,prdi i ropa
Zide na cestu šudrom posutu
I tu ti na mestu mam se zakopa

Pa onda se lepo skladeš ti z njega
Kak ve bi dalje,z glavom si klimaš
Sram te je nekog zvati na pomoć
Ipak si gazda kaj traktora imaš

[Juznjak]

Hajde riba na Krapinske ... mi smo s tobom 

[riba]

          Zagorska           

Ak slučajno igdar vu Zagorje dojdeš
Našel zeleni ,pitomni buš kraj
Reći tu stranjske,ni pesme ne čuješ
Poštiva ti Zagorec svoj dragi kaj

A se bu ti Zagorec pustil od srca
Samo kaj gruntek ne bi mu pehnul
Prežalit sa blaga more tog sveta
Bez grude pa rodne on bude zdehnul

Æe je za inat,e tu se on ne da
Pa  makar ga mleli kameni žrvi
Ne bu se zmeknul jenoga prsta
Svoje bu Zagorje branil do krvi

[riba]

         Franc Ožbolt

Viš ti Franca kak se aktiviral
Ko zna de kuraža si je zbiral
Celo leto prilično je čkomel
Ve pa lafa da bu se nas pomel

Ni ga teme koju on ne razme
Od štacuna se do fitoplazme
Ak zaštekaš on ti to ne mari
Zgazi te kaj v zavoju Ferrari

No daj budi ozbiljan ti malo
Tak i tak ti se se bu doznalo
Tu ti preveć nejde se za hec
To je forum,ne pa Gruntovec

[riba]

              Još malo pa zima

Podbočen zvečerke na stupu gorice
Dok vetrek jesenjski vozi po bregu
Čujem kak listek ćez listek se brusi
Tu čutim da leto vleće se snegu

Preveć mi nekak to je pretiho
A čudno da nić se zorci ne čuju
Njihova pesma nigder ne zvoni
Pa rano im još je senek da snuju

Krajše te dneve jesen si farba
Z visoka gore na niže se vleće
I siva dok megla krajem zavlada
Ne se već vidlo to nebo plamteće

Došulja za brega bisere svoje
Pute poklopi,se njive i sela
Stiha prek noći,da ni ne čutiš
Se spusti okolo prašina bela

[francozbolt]

tnx riba

[riba]

       Bez komentara

Tečeju kaplje,al nisu to prave
Kakev bi lagef to mogel prijeti
Tulko te vode je z neba opalo
Z obručom treba bi zemlju objeti

Ni to strahota će grozdje je mokro
Pokoja kaplja ni vinu ne škodi
Čudni su oni kaj futr im je malo
Pa predi ga preše potapljaju v vodi

Te baš ne mući kolko je zraslo
Posudu napuniti moraju punu
A će bi bilo prekiselo preveć
Cukora ima na meru f štacunu

Tu je prikrita i drukčija sorta
Oni kaj tropa tri put pritišću
I onda još to im nije za dosti
Zadnju ti kaplju po drožđima išću

Ko bi pomislil v jesensko vreme
Pomama takva za kapljom da traje
I zakaj je čoveku navek premalo
Ono kaj priroda sama mu daje

[Diabolic]

Svaka čast riba. Izvrsne pjesme.