Poezija i proza

[riba]

        Ne grešite dušu

Kakova prića to okolo kruži
Zdravo da bu se trgalo grožđe
Koga će vraga onda gorica
A bu se nutra gajbalo rožđe?

Onda se neko tomu nasmije
Dobro to reće nekoji glume
Jer će to zbilja idu napravit
Dokopali neju veće se sume

Prava gorica s puno je grozdja
A slaba će ima sam velkoga pruća
Dole pogledaš,se je spregnjilo
Kati da  prešla velka je tuća

Pri meni se reće još od davnine
Potrgati grozdje prevelki je greh
To bakica stara na vuho mi šepće
Pa zna mi rad toga pobegnuti  smeh

[riba]

            Mesec

Nije se zdigel mesec baš celi
S čim bu rasvetlil ve brege i dol
Z jenim sam okom se mući po Zemlji
Jer vun se potegnul same na pol

Ko bu se znašel po takovoj kmici
Prsta ne vidiš,a menje još vrata
I njemu je krivo isto kak nami
Pod hitno bi treba vloviti tata

Æe koga bi vidli da meseca nosi
Nad njim treba zlarmat,morti bu stal
Naj fkrajen falaćec na nebo pak vrne
Da mesec nam sveti kak negdar je znal

[riba]

jedna za Hrvoju i prateći bend povodom najnovijeg uratka

            Mužika

Još bi posluhnul stog pesmu il dve
Kaj pa mi znaći,ne razmem tu nić
Kak got poslušal,reći ne čujem
Čez celu je pesmu nekakev krić

Dok ga zahrglji,staneš od straha
Od kamenog doba to znani su glasi
Pevača pa nemreš nikak prepoznat
Praf dobro predugi ga skrivaju lasi

Imel sam priliku videt to v živo
Velika larma i zmešani vonji
Treseju z glavom,tak da bi v dimu
Mislil da z repom mašeju konji

Mužika,mužika,kakve se čuješ
Tu neko popeva,a neko zavlaći
Te jena rasplaće,od druge strepećeš
Je sikoja dobra će v srcu kaj znaći

[Koshpa]

 

[riba]

       Pak smo pri kraju

Zaiskrilo sunce prek jagode žute
Tom vinu nek zlato samo se skrije
Dok grozde dišeće bu žmikala preša
Skup z moštom to celo se leto sprelije

Pokoji preskočen grozdek bu ostal
Taj bu nahranil prestrašenog škvorca
Po zrelom kaj grozdju znal je prebirat
S klopota pa starog delal se norca

Pozabljena bu nam ostala gorica
Ne tu se čulo već smeha i krića
Samo pri kleti uz dobro to vino
Znović naćela  bu ista se prića

[riba]

         Komšić

Već se poprilično dugo pripravljam
Lovim kuraža za prejti čez Lučko
Jer dragi pajdaš je Komšić obećal
Da bu nam složil veselje pučko

I tak si ja mislim bu se potrudil
Pa kleti posrami i mlada se sneha
A mesto da zbilja  toga se drži
On se je prijel švasanja pleha

Kakova slika onda to bude
Obraslo kupinje,k tom i koprive
Nej se začudil da namesto vina
Ponudil f košari bi sušene slive

Daj vugni se pleha i elektrode
Kakti vinara si ljudi te znaju
Nikog ne tiram,al me zanima
Jer noja se bolje ide mi kraju

[riba]

                 
                  Jež

Šumra po zemlji dok noć ju pokrije
Funji ćez travu,mam videt ga ni
Črve i puže si išće do jutra
Sfrknut pod listjem pa den prespi

Z njim će se zideš negder na putu
Veruj mi dobro buš ga se zlecal
I predi nek kaj ga budeš zagledal
Dobro s koleni budeš zaklecal

Al nemre on jaden nikomu nikaj
Zato vun zide čist dok se skmići
V loptu okruglu od straha se sklupći
Æe preveć ga pehaš,tek onda te fpići

[riba]

               Listje

Zvrti ga veter gore pod nebo
Kak dete da drži na špagi zmaja
Vleće ga vleće,se više i više
Skoro bi tuklo po vratimi raja

Od sega ostane još mu to malo
Ta sreća da zgore pogleda na svet
Jer dok se vrne suho na zemlju
Æez  leto bu koje pognojilo cvet

Jeden po drugom listek se složi
I dejšć ga tu pere,i sunce ga zgrije
Dok staro tu prhne,i zemlju obnavlja
Z vuletja mlado pa s pupa se sklije

[riba]

        Spomenek         

Mejaš moj ima sam čistog hibrida
Pa mirne si duše spod brajde fučka
Il se sprehaja po travnati redi
Nit mući ga dizna,nit kakova ručka

Gde koji list se malo pofuri
Tu i tam skune kakvoga slaka
Pazi da ne bi  kaj preforsiral
Se bolje od kleti mili mu kvaka

Mene dok spazi,ne zabi me piknut
Ej,sused,sused  ni trsje ti knjiga
A kaj bi ja drugo nato mu rekel
Da inače spadne friška me figa

Veli da ne bi stim se tak mučil
Se to skup nosi preveliku cenu
Ja samo skimam,da kaj se tu more
Pa za to se skupa još spijemo jenu

[riba]

  pošto si po letu bežiju na morje,a ima kolega koji voli drugu destinaciju,pa da ne prejde nezapaženo            
    
       Planinarska

Pa kam si to išel tak visoko gore
De grozdja ne najdeš niti po leti
Tam jedino kaj ti moglo se zbiti
Da bi po snegu ugrabil te Jeti

Mora da negde krivo si skrenul
Po letu svet celi beži na morje
Da si počine,a ne da se mući
Ti ruksak pa nosiš med visoko borje

Toplesa gore baš se ne najde
Tek kozu bi divlju koju zapazil
Srećom pa istom ni preveć zima
Tak da mi  v snegu nisi zagazil

Tu se nadihaš bar friškoga zraka
Si sigurno gore  videl vratić*
Valjda si nabral tog finoga draća
Kaj doktor ti ne već trebal za nić

Glavno da živ si dole doplezal
Da  podlogu dobro držal je gojzer
Ve bi i mogli negder se ziti
Mislim već zbilja bilo bi fer

vratić* - biljka žutih cvjetića(raste bar u Zagorju),a ljudi su od toga kuhali ćaj domaćim životinjama ak su imale problem sa probavom(molim da se dotićni radi te opaske ne uvrijedi jer ovde nikaj nije zlonamjerno )

[COS]

Riba, zahvaljujem na stihovima. Sročil si stihove kak da si bil znama u ekipi, sve si dobro opisal.
Za tvoj trud i  račun stavil bum par fotki na post, a konačni  financijski obračun bumo napravili kad se zidemo pri meni.
Ti sam odaberi termin.

[riba]

        Naveke isto

Već skoro bi treba bundu obleći
Zvečerke pa vetrek mlačni drži
Ter maše zelenim listjem koruze
Spred rose i megle pak leto beži

Jesenskom vrganju  kapa je črna
V mehnju pod hrastom celi se skril
Kaj ne bi zišel preveć na zimu
Nogu kak stari koren je hvil

Jedva  klopotec krila obraća
Leno po deski z batimi struže
Zato pa ftići od mekšanja grozdja
V se vekšimi jati trsja opkruže

Od dejžđa potoki ribaju kalni
Pa dereju zemlju i guliju brek
Nanosiju drevja,listja i drača
Zagradiju pute i steze poprek

Od posla i žurbe nit se ne snajdeš
Furt zlecan da morti kam ne zamudiš
Si legneš spremučen na postelju toplu
Najemput na snegu belom se zbudiš

[riba]

           Grozd

Gleć si ga samo kak se obesil
Kak sunce rumeni,kak nebo je plavi
Preveć nabiti,je trsu preteški
Opadne mu jagoda i skrije se v travi

Spod lista smehulji se sunčevom zraku
Da ftrgne ga s trsa sak bu se prignul
Dok veter ga malko z listja otkrije
Mogel bi reći ,ti je namignul

Celoga leta stiha je rasel
Ve pa je zastal kakti da spi
Još koji denek vreme mu dojde
Pa prste on slatkim sokom zljepi

I trs bu opustel ostal na snegu
Ničeg već ne bu da veter to ziblje
Namesto listja i debelog grozdja
Stalo na snegu prazno bu šiblje

[riba]

ovaj već dugo ni dobil,pa evo mu na
            
             Pirou  

Od Turskoga doba ime mu stoji
Sultanu dok kokotom data je pljuska
A baš me zanima kak bi se zvali
Da je vun s topa zletela guska

Razbegli se Turki čez šume i jarke
Ne jeden je ostal  plivat po Dravi
Tak da den denes dobro je znano
Dole na ceni su kokoti pravi

Kak se je zbilo nek tak ostane
Ni važno je letel kokot il guska
Našem „Picoku“ ne paše široka
Njemu bolj legne gliboka i vuska

Jer kaj je posuda široka pa plitka
Tu ni od posla nikakve muke
Gdo dugu i vusko dobro obdela
E,to je mešter pravi od struke

Bilo kak bilo,naj te ne buni
Denes je drugač nek je vu priči
Æe bi ti došlo,skrij se za grmlje
Pa nutri bez srama ga kukuriči

[musher]

Riba, slijedeće godine mogao bi ti na Legendu o picokima