Poezija i proza

[riba]

ništa,vraćamo se narodnim običajima

              Stara navada

Navada je znana pred jezero let
Za sakoga gazdu i sakog mejaša
Na Vincovo treba prejti vu klet
Da trsovom šibom zakiti se flaša

K svetlu se dene i voda natoći
Od veće topline prej bu proklijal
No čudo se nemre zgodit prek noći
I pazi da vodu nej gdo dolijal

Dok Jožef srameći zimu otpravlja
A sonce se z mrazom još navek važe
Sakega leta se isto ponavlja
Kakvo bu branje  šiba pokaže

Tu je zeleno,a trsek još spi
Rodna je bolj nek lani je bila
Saki pup nosi grozdeka tri
Sam će ®alfija* nebu se spila

* - na taj dan zna biti kasni mraz u maju mjesecu,i ak se to desi ode berba

[riba]

           Na krovu

Preveć se malo dirja po krovu
Još bi i razmel da je od pleha
Pak se na soncu malo zažaril
Ve dok je z njega stepla se streha

Ni to krivica sonca ni krova
Da z noge na nogu fletno se skaće
Nek se je maček spentral po črepu
Za dimnjakom ftičom skriva mustače

I odma na krovu zdigla se hajka
Si ftiči  kričiju kaj selo zvoni
A stišnjeni maček mirno jih luće
Naj bi si mislili da već ga ni

No bu se fkanil će nanj pozabi
Se dobro on dela da briga ga ni
Preblizu će dojde,hitro ga zgrabi
Tak da se s ftića same skadi

[riba]

                   ®ica

Kaj si baš moral tak ju pošpanat
Viš da i stupe na kup ti vleće
Su pukljavi kakti baba pod košem
Æe spukaju buju najbolši za smeće

To već ni sidro nemore zdržat
Makar do kraja si ga zatiral
I pazi će ono vun ti se spukne
Buš duplišnje stupe po trsju pobiral

Ni neka korist od preveć napete
Osim tu veter malo bolj fućka
Pri drugima vidim visi pomalo
Ti si pa napel kaj da je praćka

Daj to popusti za dve tri karike
Neš vu nju kakti v gusle prebiral
Itak ti v jesen niš ne pomogla
Ftiće buš z nećim drugim rastiral

Potlem za žmah gemišteka složiš
Pa se nalukneš kaj skrila je špajza
Mirnega srca si s praga posluhneš
Popušćenu žicu kak stiha ti bajza

[riba]

            Vuzem

Mrzli ga sever dobro poteže
A beli još kupi po selu stojiju
Dal bi se pravi sneško složiti
Pa naj mu se deca razveseliju

Dobro je kaj bar s krova se stopil
Da streha prestala je kapat po gutu*
Pod sprhnjenim pnjevom snegom pokrita
Rožica rivlje glavu vun žutu

Kak zemlja ga grize ide bolj tenši
Potočec mam življe počel je teći
Potirati nekak bi vuletje treba
Kaj cifrali nemo jajca na peći

Al najrajše znade dejšč ga zalijat
Tak da se ognja ne najde trunka
No baš i jajec će ne bi se našlo
Na Vuzmenom stolu sikak bu šunka

* - gut...to je po Zagorskom dijalektu vrat

[riba]

   Eh,moj živote,živote      

          Mejaška

Buš me zapamtil huncut razdreti
Neš mene mogel kak norca voziti
Mam te s pesnicom strugnem po nosu
Da s hiže neš mogel tak fletno ziti

I kaj se groziš tu tam prek plota
No,probaj sim malo na moje zajti
Ti kapu zahitim dole tam f trnje
Ni s pesom ju skupa neš mogel najti

Badav se groziš z vilam drvenim
Šternim su miši ti roge objeli
Sam će te stignem vužgat po lampi
Ti zubi tak isto buju zgledeli

S toga mi naj se preveć kuražit
Jer bum ti pravu porciju skrojil
Suknuti će te stignem po ćelu
Do jutra buš zvezde v zapećku brojil

Pazi će dalje mi mira neš pustil
Ti vuha bum moral zvezati na mašlin*
Još radi tebe se suda zahodim
Kak drugder da nemam de prazniti tošlin*

mašlin* - mašna
tošlin* - novčanik

[tupka]

dobrosusjedski odnosi u Zagorca

[riba]

             Vuzemljica

Najpredi se složi koruznice snoplje
Pa na njem kup od šiblja bu zrasel
Još kakšna guma nutri se zrivlje
Æim ogenj ju vlovi ne sam tak vgasel

K tomu brvice* nameće se friške
Naj dim bi se zdigel kaj meso da vudiš
Po staroj navadi tak delat se znalo
Da meso bolj dehne dok ga ponudiš

Drugi pa ražnje v zemlju zabodu
Čistam za zbilja,nikak za probu
I cepanic klaftre nutri naslože
Tu šacaju* onda gdo bliži je nebu

A deca se jenom sam veseliju
Čez celo sak leto piksu* si skrivlje
Da imel bi s čega drapat na Vuzem
Æe makar poklopec* trese koprivlje

Kak got daleć snočka iskra letela
I v jutro osmujena ostala bu trafka
Od silnoga ognja kaj oblak je lovil
Ostane pod pepelom  skrita žerafka

brvica* - ,to vam je onaj niski zimzeleni grm koji raste po rubovima šume(valjda ste to negdje vidli)
šacaju* - procjenjuju
piksa* - prazna limenka od uljane boje (ono od 1kg)
poklopec* - poklopac od te limenke

[riba]

               Vuletje

Spod starog se listja fijolica zdigla
Pa s klimavu glavu semu se čudi
Nutri pod malim grmom spavećim
Črleni peharček* klobučec svoj nudi

Rad sunčeve zrake kaj ga žegeće
®uti maslaček  za čas bu potiral
I svilna se trava  po zemlji prostrla
Prebrana je kak da bi ko ju sortiral

Svržicu malu ftiček je kljuknul
Hišku popravlja kam pucu bu vodil
Čisto malečka vraca za nutri je pustil
Kaj fačuk mu lucki ne bi se rodil

Na drevu pak jastrep nekak se stisnul
Je morti mu zima,il nekaj pikira
A pri potoku pod dračom pokrita
Se krastava žaba seg glasa razdira

Kaplja preteška v mlaku zaruži
Kaj veter ju stepe čim stiha zahludi*
Još z jutra bi ranog sakom štel reći
Je vuletje došlo,se naj se zbudi

zahludi* - zapuhne
črleni peharček *- ona mala crvena gljiva što u rano proljeće raste po šikarama i dvorištima(mislim da je jestiva),sigurno ste ju vidli

[riba]

e,ove dvije si dobro pročitajte,to su savjeti života

       Upozorenje     

Sikak bi treba se malo pričuvat
Za ćas bi se moći praf sprehladiti
Nek sunce još malo hica nabere
Tek onda kaputa sebe dol hiti

Od teškog se posla rado zašvica
Pa onda tak mokri ideš se sleći
Trenutno ti paše,no za par dani
Kašelj napadne da reć nemreš reći

Onda bu doktor s tobom prevurjal
Ti plučeca malko na renglin hiti
I mesto da korist nekakvu delaš
Beručku ampul moral buš spiti

Zato za silu ni preveć mesta
Posel ti itak ne bu pobegel
Jer će bi hudi te beteg zalovil
Lako pod zemlju bi si zalegel

Ak baš za posel ni prava klima
Bolje je greti se v toploj hiži
Posel nek rajši z vragom odide
Nek da te grobar z lopatom prekriži

[riba]

            Za zapamtit

Jesmo se sčakali konačno muke
Tak da se buni i samo košće
Rad v jutro bi čilo s postelje skočil
Al spuca f koljeni kaj staro prošće

Da ga zajafkneš* se žena belekne*
Si misli sirota da ruši se hiža
Onak čepečki si šlape natekneš
Pol dneva ti treba za zravnati križa

Kuk pa te ščiplje da buš ponorel
Kaj stari racak pri stolu se ziblješ
Kak bi se takev na posel požuril
Par vur ti je treba da se razgiblješ

Praf žena jambra kam se to rivleš
Na posranom gruntu  kosti ostaviš
Skupna bi korist bila bolj veća
Æe pravi na postelji  posel napraviš

zajafkneš* - zajaučeš
belekne* - preplaši

[riba]

         Na gruntu

Zanavek na gruntu dela se najde
No,more se reći ga manje je zimi
Al prva ćim travka zemlje polukne
Mam v šake si pljuni i posla se primi

Teško tu kakav dinar zaslužiš
Još  troška se tomu zbere pošteno
Sto put buš rubaču znojnu ožmikal
Da moreš zgotovit se započeno

Praf grudu je saku treba zaseći
Æe je pretrda,ju švehom* rastući
I onda dok motika svoje odigra
Su plaća ti žulji krvavi i vrući

Kulike put zbog drača se prignul
Gole pa prste koprivom si spekel
Človek na kraju na se to pozabi
Bez muke je nikaj,same buš rekel

švehom* - to je ono kad vudriš sa tupom stranom motike

[riba]

                   Težak

Lampa dok smudi streta na zidu
Zmisli se saki na svojega sveca
Tu mira si najde,jer z ranoga jutra
Razidu se sikud kaj rakova deca

Bogec se zrodili i bogec bu ostal
Težačkoga kruha pretrda je kora
Navek mu misel jena je v glavi
Da posel dobljeni zbaviti mora

Od muke i jada bi večkrat zakričal
Gda večer se spusti naj se bi stalo
Prestaneju z vure minute naj teći
Rad  dušu i telo spočinul bi malo

[riba]

već dugo nije bila nijedna sa posvetom,pa da počnemo novu sezonu sa dotičnim članom

                Orlandu

Čujem se poslu velkom pripravljaš
Na novu parcelu buš trsje popikal
Nej samo hudo šparat na placu
Kaj traktor med stupe nebi zacvikal

Ni slučajno meru od oka ne delaj
A meter pa v žepu novi bi skitil
Æe redi bi zišli pukljavi s toga
To saki bedak pod nos bu ti hitil

Za kolčekom  kolček po špagi zatući
Kak negdar soldati stati su znali
Ne da bi štrikal čas levo,pa desno
Da redi zglediju kaj psi da su scali

Još bi na kraju nekaj štel reći
Daj toga se primi bistroga uma
Zakaj bi potlem po čelu se tukel
Ti to bu gorica,ne bukova šuma

[riba]

                   Svet            
 
I dalje se zvrti za dvajstčetri vure
Par milijonov  to traje već leta
Mrvice dve,tri kaj zlepil je svemir
Veliju početek tak bil nam je sveta

Pa kak bi si mogel v glavu to deti
Naj šudreki dva,tri bi stvorili svet
Da k tomu vrti još po istoj se stezi
Kaj da za sonce je špagom prijet

Morti  pak svet je navek na mestu
Nek zvezde se drobne same vrtiju
A mesec jih zlatni pase na kupu
Jih čuva kaj mu se ne razbežiju

Ko zna kak duge još bu se vrtel
Se piše od predi i potlem raspela
Jemput bu moral dojti do kraja
Ter črna ga luknja bude prevzela

[riba]

               Leptiri

Prvić sam letos spazil leptira
Nekak mi čudno po zraku je dukal
Da videl to nisam kak s krilima maše
Bi mislil ga neko na štriku je cukal

Dok sam si mislil,a bi ga vlovil
Prvog suseda v dvorišće je zašel
Ja nisem ga videl,ali tam nutri
Točno još jenog takvog je našel

Najemput se zdigli visoko gore
Pak onda čist nisko su se zvrteli
Počepnuli malko, raširili krila
Kaj zraka za novi si valcer bi zeli

Z veseljem življenje si spreletiju
Al srebrni prah ćim s kril se razide
Nestaneju naglo kak su i došli
Stiha kaj sonce za breg dok odide