Poezija i proza

[riba]

a ste se bavili kaj s ovakvim poslom na veselje:unucim,susedovoj deci,vlastitoj deci,vlastitoj deci tuđeg prezimena  iti,itd.....

            Zimski det

Hrusti se z nosom črlenim pri lesi
Od beloga štofa je v novom kaputu
Za šubaru zbušeni lonec je dobil
I šibnatu meklu za grožnju pri putu

Pravom gosponu z daleć spodoben
Za anjcug si črne gumbe je zbiral
Počesana slama pod plehanom kapom
Kaj da v orkestru bu dirigiral

Su črne mu joči zanavek srdite
Z vuglenimi zubi bi rado zakričal
Rascufanim šalom kakti da maše
Æe pes se prišulja kaj bi ga poscal

Al ne bu pomogel nos mu črleni
Ni šibnata mekla,ni lonec na glavi
Čim zima na soncu si špice potupi
S prvim se jugom razlije po travi

[riba]

         Komšić

Čovek je drugi,kak nisem skužil
Pošteno kritiku stog sem zaslužil
Pa lepi mu stihek eto napišem
Morti si minus malo pobrišem

Odma mi nekak ni išlo v glavu
Zakaj  ve skriva sličicu pravu
Da bi ju našel po križu se spenjal
A ja sam njega s Košpom  zamenjal

Ali si zato fejst sliku ti složil
Škoda kaj buš ju s flašom odložil
Frankovkom nutri dičiš se pravom
Kontrola je bila z ne jednom spravom

Kaj boje se tiče bi anđeli pili
Kak ne bi ljudi će žejni bi bili
Mladom za saki ispuniti hir
Za čoveka starog pa eliksir

Zato si mislim kak ju dosegnut
Ti s police jednu  nekek potegnut
Veruj od srca rad bi  nazdravil
Čim praznu bi flešu na podu ostavil

[riba]

          Mmihale

Kaj to prijatelj s posudom se zbilo
Da vinčeku miris na jajce je gnjilo
Od pomoći si bi šteli ti biti
Kaj vino to mogel nekak bi spiti

Naj toga piti će nisi z njim mrdnul
Jer ti se spuhne kaj tvor da bi prdnul
Još gore ak preveć bi vu njem užival
Drugo si jutro buš glavu okival

A će ga zluftaš i vredu je duha
Sumpor ni blizu dok brenka ni suha
Slučajno vino će vrh ne dosegne
Ti dužica sumpor vuse potegne

I onda si tekar posel napravil
Teško buš duhu vun tu pospravil
Badava znal buš de si ga zgrešil
Jedino pintar te muke bu rešil

Al nisi ti prvi Međimurec dragi
Pa radi toga si z drevom na vagi
Al čudo postoji da zgubi se duha
Nek tikvu Jeremija nutra ti skuha

[riba]

         Po starinski

To se je znalo,bu Joža il Štef
A će je pucka Štefa il Bara
Dosti krat Iva,Tomaš i Jura
Za žensku pa Kata,Jana il Mara

I retko se kad mudruvalo puno
V Zagorju z davna bilo je tak
Čim si se rodil tak te dopalo
Da nemreš zatajit će si godovnjak

Tradicije vreme onda je bilo
Pak se i običaj dobro je znal
Muško il žensko će rodi se dete
Po dedu il babi je ime mu dal

Sakom je ime značilo nekaj
I niko rad toga muke ni prešel
A viš kak denes,se je na opak
Kalendara se znuca da bi ga našel

[riba]

       Zbogem  žganjička

Kak si si negdar z volju ju skuhal
A novi te zakon ve z nogu oboril
Tak da na kraju ti zišla bu gorka
Kaj da se trop za dno je prigoril

Si mislil zlo vekše nemre te najti
I kaj bi ve rekel na ovo stanje
Mal bolj pogruntaš,hudo bu to
Kakvo tek s toga zišlo bu sranje

Nekaj pročitaš,a nekaj i čuješ
Ve v glavi ti pitanj je hiljadarka
Ak bu do kraja po zakonu išlo
Na flašu bu iti morala marka

Makar i partija već se pripravlja
Da zakonu novom luknja se najde
Al opreza treba ,se lako zabludi
Pa s tmice vun jako teško se zajde

Nemrem niš lepo mislit o tomu
Gdo zna rešenje bi mogel ga reći
Kak got obrneš slabo se kaže
Sikak te zakon vužge po pleći

[riba]

           Mom dedi

Z voljom si znal je sedet pri kotlu
I pazit naj lepo curi niz konček
Pa si z veseljem bradu pogladil
Dok v kupici delal novi se venček

Več krat bi rado z njim si posedel
Kak dečec poslušal njegve besede
Samo bi v času senj ga  prevaril
Ter je zahrkal kaj maček da prede

Špicigar zguljen navek je nosil
Makar mu nutri se zgasil tumbak
®mehku bi glavu na rame naslonil
Po zemlji bi pak se skotural škrlak

Preveć krat znal je s pajdaši zaružit
Se  bečarska duša veseliti znala
S pesmom bi navek on doma  došel
Kaj ide na kraju fidrajla,fidrajla

Ni maril kaj baba znala je kričat
Ti stari bedak,si pak se nacvrcal
Nigdar rad toga se preveć ni srdil
Je svoje življenje već itak ponucal

Isto da veter opuhnul bi plamen
Jednoga jutra i on se je zgasil
Sam stari škrlak još visi na čavlu
I šojkino pero kaj na njem je nosil

[riba]

          Izložba

Nije zdravo previše se mješat
Možda davat sugestiju koju
Ak ti jezik slabo je izbrušen
Ili možda ćorav si za boju

Nemoj mislit za medalju lako
I da dosta vino je pokazat
Ali kakvog bit će ona sjaja
Puno znaći s kolko ćeš podmazat

Pa sad idi suprotno sistemu
Teško dugo tome ćeš prkosit
Svi medalje imat će u đepu
Samo ti je nećeš doma nosit

A što znaći bunit se po selu
Da poštenja nije bilo tamo
Kako got ti teško je na srcu
Pobjednik se ipak pamti samo

[riba]

     Rože od leda

O, cifraste rože na šajbu prijete
Kaj žarka vas strela topi z obloka
Kaplja za kapljom curite na zemlju
Isto kak soza gda spusti se z oka

Ne daju ti one v pušlek se zvezat
Da bi ih trgal su prsti pregrubi
Najlepšega cveta samo su onda
Dok vuni od zime trneju zubi

Za videt ih moraš rano se stati
Šporet dok stari još v kmici drmi
Jer ćim ih malko s toplim pogladiš
Sam rosa ostane,a rožic već ni 

[riba]

pa,kao sto smo vec primjetili uz aktualu temu ide i pjesma.stoga i jedna o bušenju

            Sveder         

Teško buš bušil ak sveder se puklji
Mesto da čvrst je,sličen je žmuklji
Kak buš z njim vudril onak za zbilja
Ak dojdeš na posel kratkog fitilja

Normalno posel s toga bu trpel
Če makar iz pete snagu buš crpel
Još gore ak stalno po selu se smuca
Od posla i zleti ti sveder se znuca

I nejde ti v glavu zakaj ne štima
Kak vreme odhaja se bolje se klima
Semu si živom z njim ti prkosil
A ve pa bi skoro futroli ga nosil

Rado se zmisliš na moć mu i slavu
Kam  je to  prešlo nejde ti v glavu
Lučeš kak drugi se glavni postavi
Hja,lefko je bušit će sveder je pravi

[riba]

mali osvrt na najnovije saznanje:

         Što reći

Kakav to onda jezik je moj
Slabo prepozna prave arome
Što drugi okuse meni je strano
I kako se ne bi čudio tome

Priznati moram prvi put čujem
Makar mi prošlo podosta ljeta
Pa ko bi to meni mogo objasni
Da konjska aroma vinu ne smeta

Onda smo dečki blizu rješenju
Drvenim čipsom svi ste u krivom
Ono što danas od vina se traži
Samo se konjskom dobiva grivom

Tajna je znači konačno naša
Treba se vračat ponovo selu
Najbolje vino imat će onaj
Kom prvi susjed drži ergelu

[riba]

             Vuletje

Ni daleć kaj Matej z jugom dopraši
Pa zbujeni cvetek vun bu proklijal
I travka zelena za njim se podune
Če makar ju z batom gdo bi zabijal

Stiha štrguček pri plotu zatrubi             *štrguček = jaglac
Æim maleno dete  njega potpuhne
A visibaba si belu glavu obrne
Tu vuletnju pesmu rado posluhne

Se klimaju zlatom nakičene svrži
Najrajši bi glavu k njimi prislonil
Još će bi ftiček začkomel za časek
Čul bi kak v jarku je zvonček zazvonil

Je videti žuto,črleno i plavo
Zdiglo se  mlado, krhko kaj svila
Čisto bez larme svet se spremenil
Kak da se zemlja z dugom pokrila

[riba]

       Roda

Ščučurila bela se rodu pri mostu
Bogica,na jenoj nogi je stala
Sigurno hudo mora ju zepsti
Zakaj bi drugu v zraku držala

Kakti da gruda snega se ftrgla
Pa bi hrđavi zakvačila drot
Samo kaj ova glavu si strese
Kljun pa zaruži kak stari klopot

Nekaj se moralo čudnoga zgodit
Ni s čista mira zmešala red
Mesto da toplom se sončecu smeje
Bi mogel tu zlehka zatrti ju led

Valjda ne misli tak i za dalje
Morti ta zima i prejde po sreći
Al će još koju tak se pozabi
Sam perje to teško moglo bu zvleći

[riba]

 e,sad bu me opet Ivan zašpotal      

         Somelijerska

Ajd,to je v redu ak bi mi rekel
Da vino ti nosi vočnu aromu
I kakvo je vino od zebrinog znoja
Il,Bože sačuvaj konjskoga gnoja

Stoga sem kupil si dve tri flaše
Malo da sprobam taj terroir
Još od gorčine bi složil benzin
No nikak da najdem mačji urin

Pa se bum dalje trucal sa svojim
Če makar i nekom bliže je octu
Tak i tak nemam ga ja za falu
Barem mi nema duhu na štalu

Zakaj nam navek tuđe je bolje
Da bolje v njem zemlje najde se trag
E,vrag bi ga znal kaj nutra nam nude
A humusa dosti na groblju mi bude

[Mc Ozy]

Devedesetih, tam s početka, v mojem podrumu, tri Zagorci, ciglari,bivši rudari i ja s fronte, na vikend dopustu, v one uniforme z smeđimi crticami, Istočnonjemačke. Prvi liter su spili, z drugim ja častim, trejti Bok plati, veliju oni ovak: Denes  nam je zadnji dan, ciglana se zapira, a kaj z nami? Dej nam reči, ti si mlad i školoven, zakaj to ? Zememe komad blata z brega, napravme z njega cigel i prodame ga za jenu kunu i veliju da se to ne splati, da sme v gubitku i da nema penez za naše plače? A plače su nam male, ima nas same trideset i par šefuv i jen direktor! Mi sme selaki, obični muži, al zname nekakvu računicu, po čem prodati kravu, tele, svinjče,purana, a po čem kupiti komad polja, lagvić,ajncug ili biciklin !Za kaj to? Nisam im imel kaj reči! Odgovor su dobili za koji mesec, kad je tu staru ciglanu dobil v ruke gospon, teruga nisu nigdar vidli, prodal postrojenje v stare železe, po killaži i tam otprl nekakvu slepariju, kakti drvo-industrijski pogon s pet radnikov. Stari Zagorci-rudari-ciglari su otišli v bijedne penzije, već pomrli, a ciglana i glineni breg još stoji v gospockih rukah i čeka...valda neka bolja vremena z više pameti i poštenja !

[riba]

          Kmet

Kaj ti se znači tuči po glavi
Tog ti je dosti,sto put si rekel
Za navek ga tegliš kakti marva
Morti bi zgrunta dinara zvlekel

Nikak se genut z jenoga mesta
Kak da je neki zacopral te vrak
Vrtiš na mestu kak pes se za repom
Več krat od muke duknul bi v zrak

Kapu si gazil gda vlovil te čemer
Mislil  stog jada neš se skobeljal
Prešla da baba je tvoja s kolači
Zdavna ti zadnji cug je otpeljal

Se nadaš da morti čudo se zgodi
Dojde ti vreme,buš priliku dobil
Al pazi će onda ti vujde čez prste
Bu žrvenj življenja dalje te drobil