Poezija i proza

[Moslavac]

ovo je sjajno! hvala ribek! prekrasno...

[pirou]

Riba majstore, fala ! 

[riba]

Riba majstore, fala ! 

fali se tam di te ne poznaju

[krešo]

  riba , ebo te led , na forumu je trenutno preko 2 000 članova ,o  svakom nabaciš 4 kitice sa 4 stiha , zemeš 5 banki svakom po glavi , auuu ni Zdenko Runjić ni Dragutin Tadijanovićti ne bi ti bil ni do kolena
a tek posle tvoje , jel... khm khm .. smrti da prostiš , tek onda bi to došlo na svoje , pa tantijemi , pa prigodne proslave u tvoju čast , pa obljetnice , pa dječje recitacije , razmisli...

[pirou]

Fala se nemre v žep deti!!

[riba]

kaj je,je tek sam se zbudil jer sam u nocnoj smjeni pa nisam bas sve ovo polovil bistro od kreseka.bi to po njegvom moral nekaj racunat za pjesmicu ili kaj drugo je mislil.idem sad zorem jos ove njive kaj mi je ostalo pa onda se vrnem.KREŠEK  za prave pajdase samo za gemist kad se vidimo.

[riba]

onda sakom po četiri pa krešeku

                      Kreši
Ak postaviš stvar na pravo mesto
Neš na novce mislil ti tak često
Sad si v krivom stog mi se probudi
Velki novci kvariju ti ljudi.

Gda pri kleti s prijatelji si pravi
Najdi jednog kaj kunu tu slavi
Kad tu dojdeš čista srca budi
Če imaju manje,tim su više ljudi

Biti čovek to nikom ne šteti
Jer bogatstvo nemreš sobom zeti
Da se s tobom ponositi mogu
Kad odideš na istinu Bogu

I još nekaj za kraj ove priće
To je ono kaj se mene tiće
Bolje živ je čim se duže kriti
Nek za narod mrtev junak biti.

[riba]

Moram zaustaviti ovu debatu dok se nije rasplamsala

     Kompjuteraška

E,ljudi moji vidiš ti sramotu
Kaj se čuje čovek u životu
Mesto žena nutra da kriči
Sad uz brenku stišče se PC-i

Ve je jasno otkud tulko znanje
Internetsko tu se prati stanje
Pa prihitiš će ti kaj sfali
Ipak vino na jajčeka diši

Negdar vam je se to drugač bilo
Gda se grozdje z nogami drobilo
Sveću vgasiš,nastala je vriska
Ni se znalo ko tu koga stiska

Kak  z veseljem tipkovnicu piplješ
Ni ga ženske da ju malo ščiplješ
A i tak bi bila samo smetnja
Buljit v ekran veća ti je strepnja

Nije sad baš da se ženske sramiš
Al kak da stručno pitanje postaviš
Njoj je čisto drugo na pameti
Briga nju kaj tvome vinu šteti

I dok misliš kaj te muči softver
Ona svoj  ti badav kaže hardver
Buš se ipak moral pustit  miša
Da te sused doma ne prešiša.

[riba]

evo momci malo za pročitat,već me dugo nije bilo

              Suton

®alosno nekak se nam zgledi
®uti se listek obesil na trti
Prvi ga veter otpuhne otut
Mrežu je pamuk raspnul med žicu
Promrzlemu stvoru preprečil je put

Se bolje je stiha pred večernji zvon
Raskuštrana vrana postelju išće
Njena ti pesma dobru ne sluti
V roke si hučeš na hižnemu pragu
I zorci su prešli i ni ih već čuti

Zgubljeni se škvorci vrtiju po zraku
Jer denek se stišće i skoro ga ni
Noćka se spusti i nič se ne giblje
Moreš posluhnut,al nemreš to čuti
Kak veterček rosu vu mreži si ziblje

[riba]

                  Starost         

Stari je dedek po štapu se fpiral
Da došel do cirkvice na bregu bi on
Puno si put po putu počival
Kaj mogli bi  čuti mi večernji  zvon

Splašeni ftiči poskriju se v grmlje
Čim vudril bi zvonec da bi ga čuti
®uljavim rukam dok špagu nateže
Pri kraju je puta već dugo on sluti

Nebi mu bilo pri srcu tak žalno
Æe neko još štel bi z njim tud hoditi
Sad vidi on starec kam se to pelja
Da v cirkvici nebu već mel ko zvoniti

I leto za letom odide čez breg
Stari se čovek čez oblok nalukne
Cirkvica njegva na bregu stoji
Štel čuti  još jemput bi zvonec da pukne

[riba]

        Nedoumica

Od davnine pitanje se daje
Dal je kokoš il je jaje prvo
Tako danas polemika traje
Bolji inox il je bolje drvo

Svaki bačvar ima drugi trik
I na inox moraš dobro pazit
Ak je drvo nek bude barik
A lošim limom vino ćeš zarazit

Uzmeš jedno ili uzmeš drugo
Svaki majstor spominje poštenje
S mojim nećeš nikad ti zažalit
Nikad neće mučiti te vrenje

Sve to slušaš ne znaš što bi reko
Problem stalno rješavaš u hodu
Paziš dobro da se ne opečeš
I plastika sad gura se u modu

[riba]

            Vrijeme             

Čuj kak bubunjče hudo po črepu
Črni dok oblak nebo zamrači
Zlatnim se bičem nebo raskoli
Se zemlja praf strese če grom ju zakači

Zvija se drevce kaj vetru prkosi
Korenje mu plitko kamen zaprelo
Na silu mu listek ftrgne i nosi
Æe kamen se skrutne opalo bu celo

Kaplja te mrzla pika po licu
Kaj da si šilo oštro pritisneš
Ak se ne skriješ do kože ga zmokneš
Pa k starome škednju  fletno se stisneš

Zadnja se kaplja scedi po krovu
A sončece zemlju prime si v naruč
Megla vun s hoste se sfrče veselo
Z Marininim pasom da zveže se v obruč

[riba]

      Molitva
Sakega jutra kokot te zdigne
Dena še ni
A posel ne pita kak ti je ve
Blago podvori,družinu namiri
Još skoro po noći je gotovo se

Treba je iti gruntek obdelat
Sonca dok ni
Jutro te ščiplje po bosi nogami
Pogledaš si nebo kak se drži
Kajti je se to vu Božji rukmi

Oblaki su črni nebo zakrili
Toča se kaže
O,Božek,božek zavapil bi kmet
Kaj si nas stvoril na ovom svetu
Da ve nas s kaštigam hoćeš zatret

Bokčija smo bili,a ve smo još već
Prismili se nam
Sklopim Ti roke, za milost prosim
Greh mi oprosti će sem napravil
Pretešku pokoru na pleća sem dobil

[riba]

              Vrabec
Mali se vrabec pod strehom stisnul
Zima mu perje nadigla je v zrak
Prismiljena deca ak kruhek mu hite
Sprhnul on brzo pred hižni bu prak

Zmenili krovek na hiški su staroj
Zdaj mrzlega črepa gazda je del
Nemre si bogec mesta tu najti
Slamice nega da gnezdo bi splel

Da zimi se skrije vu perjiće meko
Vun da polukne kak mraz se beli
Mest da ga zgrije i sonce ga ščiplje
Zmržnjen on dalje pod strehom čepi

[riba]

                   Sjeta
Nasloniš se s pleći na vrata pri kleti
Glediš kak je oblak sonce zamuljilj
Da malko spočiješ od celoga leta
I moštek počiva ,već je zbrbuljilj.

Pak spremišljavaš čeg se je bilo
Od vuletja ranog nemre se stati
Kak sakega leta počneš sponović
A dobro i zlo zanavek te prati

Se v času rasrdiš da se bi zahitil
Bez brige se vidiš neko sprehaja
Al nemreš se sega sam tak odreći
Ti ljubav sa ova iz nutra dohaja

Tak bude bilo dok zdravlje posluži
A kak bi se drugač i moglo početi
Nemreju znati ak vidli to nisu
Kaj sončece znači gledeti od kleti

Naj idu leta jih nihče ne drži
Još jeden stari buš listek zahitil
I gda zapišeš kaj zbilo se letos
V ormarek pri kleti budeš ga skitil

Tu naj se najde dok leta te stisnu
Denek po denek dostigne te starost
Drhčećom rukom tad ga razmotaš
On bu te zmislil na tvoju mladost