Poezija i proza

[riba]

 zahvaljujem svima na podršci i pohvalama,te jedna svima za ovaj trenutak
     
     Beraćka

Hajdte beraći,zgrabite škare
Konaćno prestal je curet bez mere
Pobrati treba to grozdiće zrelo
Ne pušćat da bolest i dalje ga ždere

Napunite pute,košare i kace
Naj krase ih grozdi črleni i žuti
Ve nek odidu zorci na spanje
Jer više ih nebu trebalo čuti

Naj cviliju mlini i jafčeju preše
Ruka težačka ćim kolo zvrti
Kantu za kantom naj puni do vrha
Moštek taj slatki šterni curi

Pa dok ga čuje vu brenki kak igra
Saki se gazda tomu osmehne
Dok sever ledeni dvorišće bu zmetal
Tek onda si trsek i čovek odehne

[tupka]

Riba ova ti je dosad najbolja.

[riba]

      Stara klet

Sneg ju pritisnul i grmlje obraslo
Okno joj zdavna stoji potreto
Luknja do luknje,propuh poteže
Kakti  zahićeno zgleda rešeto

Slama ne drži,vodu propušća
Već se i lagev f kutu razmoćil
Puknjeni obruć pri nogi od stola
Kaj da bi znjim ga neko podboćil

Rigel železni shrdalo vreme
Pa  kljuća ne treba za vrata odpreti
Æe z namerom krivom  ko se dotepe
Teško da našel bu nekaj za zeti

Pozabljeni cajti tu su za pesmu
Nit se ne čuje dečjega smeha
Povedat za šalu zna dedek tek stari
Kakvog pri njej se je delalo greha

[riba]

          Još jena po starom 

Sam i žalosten ostal bu trsek
Ni ftićek ga više ne bu posetil
Klopotec pospravljen za iduće leto
Tišinu već batom ne bu remetil

Požutelo listje bu veter španciral
Po žici i grmlju sud ga razvesil
Bu gnjecavu zemlju gojzer razvlaćil
Kakti da testo z nje bu zamesil

Šmugne tud kakav  maček pod žicu
Da zgrabil bi miša de trsje prekapa
Jer z zadnjimi grozdi je čovek odišel
Ne se povrnul dok led ne otkapa

Bu zmenilo dost se dnevi i noći
Dok draće i listje pri putu to zgnije
Na suncu dok toplom zvonćek zazvoni
Tek onda gorica znović ožije

[Juznjak]

Svaka cast riba!

[riba]

 eto potaknuta malo postovima za kupit doma ili ne
         
       A isto bu i dalje

Ni to baš v redu,moji pajdaši
Da peneze nosimo v tuđu deželu
A će bi pri nam platili porez
Bi nekaj pomoglo našemu selu

Štrajkaju z gladom ljudi bez posla
Za tu bokćiju tak malo je sluha
Ti srce prepukne dok vidiš na cesti
F kontejneru išće se korica kruha

Preveć se toga našlo na kocki
Kaj pa će pravo rešenje ne najdu
Za koje tak leto,moji pajdaši
Ostavili bumo plantažu i brajdu

Bolje bi bilo se zmirnoga ziti
Ne pa po drugom naveke pljuvat
Pametnu neko tu trebal bi reći
I znati kak zemlju svoju zaćuvat

[riba]

     Modernizacija  

Kakvih se ne buš videl sistema
Koraćiš f pelnicu vlovi te trema
Čistam ti malo fali do kome
Od straha da tu se cepa atome

Sfrkani šlaufi i rosfrajne cevi
Od toga ti nekaj zakrulji po črevi
Svetiju broji,a cajgeri skaču
Kaj da zabludil v gajbu si vraču

Šumra tam f kutu,tank pa brbulji
Æe pritisak skoći trublja zatulji
Pa ti najemput  nekud ga spuhne
Jer tehnika vraža slabo posluhne

Ni deda moj zato rosfraja mokril
Brenčicu z listom same je pokril
I onda kak moštek stiha je dihal
Po zelenom listeku on si je pihal

[SINKE]

bravo riba

[riba]

         Čim predi,to bolje

Stalo bi jemput na kraj se te pljačke
Æe snagu bi mogle povrnuti značke
Pa nej se z nje moglo delati  šalu
Il more bit nosit ju same za falu

De najti ve muža po stolu da vudri
Kaj neju šeftari se delali mudri
Naj sakomu dade kaj ga gibira
Da v reštu si s klapom igra klavira

A baš su nam  lepo mazali oći
Kak bumo se zvlekli z dreka prek noći
Ta kriza bu prešla bolje po strani
Ve pa se sanjčemo si po banani

K tomu i dalje črno se zgleda
Hitno bu treba tu stvoriti reda
Sakog kaj počel vmikavat je pete
Nek radnička mekla v grabu  pomete

[riba]

     Vinska

Eto ga, prešla i ova je muka
Pa se po trsju stišala buka
Tu i tam grozdek neko je cukal
A neko je imel kaj da bi žbukal

Bilo kak bilo sakomu dosti
Ko ima menje nek malo posti
Za one pak druge si buju znali
Kak su si v vinu oduška dali

Ima jih kaj još nisu na bregu
No namera tih je brati po snegu
Malo ga bude i bude im zima
Al vičeko takvo malo ko ima

I tak smo si posel preselili nutra
Za to ti v glavi treba je putra
Tu de se peni,puše i bućka
Ne smeš tu reći da ti se fućka

Prešu je neko fino podesil
Neko ga v vreću samo obesil
Čekaš na jednoj nogi kaj čaplja
Nek bi se scedila  zadnja ta kaplja

Od  tulike brige mora zit fino
S pravom nek nosi ime to vino
Da putniku sakom ide u slast
A pravemu gazdi nek služi na čast

[riba]

         Jesenska

Z jeseni zajde tuga v goricu
Se to zeleno skuriju mrazi
Presušeno veje veter raznaša
A denek za brege predi odlazi

Stari kos skaće po spražnjenoj  žici
V dubokoj noći zahukne tud sova
Skrije pred zoru jež se na spanje
Dok rosa se cedi prek slamnatog krova

Brundanja tihog tu i tam dojde
Dok deda škrlaka zdigel bi s poda
A onda se ftihne i same je čuti
Kak kleticu puh do jutra si gloda

[riba]

              Mravlja

Teško de najdeš takvog težaka
Kaj naveke dela,a nikaj ne prosi
Od ranoga jutra nekaj navlaći
I tereta većeg od sebe nosi

Niti ga videt nemreš na zemlji
Samo se nekaj ćez travu miga
Mrvu on hrane strpljivo nosi
Za drugo ga nikaj nije ni briga

Je ti on mali,no je kuražni
Æe si na putu,rad bu te vgriznul
Dok buš se česal jer te zapeće
Najraje z nećim ti bi ga zviznul

No pa ga ipak pustiš živeti
Æe te je vgrizel,boljeg buš zdravlja
Nek se i dalje mući po svetu
Komu još more naškoditi mravlja

[riba]

       Coprnice     

Star ti je čovek skoro kaj dete
Tak narod odavna reći je znal
Ak mu se nekaj srcu prihoće
To će mu ne daš rad bu ti fkral

Zmislim se dobro bakice jene
Mislim da Jana ona se zvala
Se njive ćez leto znala sprehodit
A celu pak zimu bi spreležala

Isto tak drugu Janu ja poznam
Je vična bolj igli,koncu i švelu*
Rad njenog zanata nigdar ni sama
I saku novicu  prva zna f selu

Ipak to selo nekak je čudno
Muža od nikud,same device
Neko za šalu znal bi i reći
Da nisu to zbilja se copernice

Švelo* - platno koje se nosi kod šnajdera

[riba]

       Pijanec

Nikakev špot vam tu ne pomore
Koga bi vino sebi prevzelo
Lepoga glasa zanj se ne čuje
Njega zna njegvo i susedno selo

Koga bu našlo jutro po grabi
Fini maniri baš ga ne krase
Kapa zgubljena,skundrani lasi
Zaškaljani v blato,smrdi kaj prase

Pri flaši do ranog jutra bu mrmljal
Krićal,popeval,z nekim se svadil
Od muke tak čovek ne bi  zavijal
Pa  makar na živo zube mu vadil

Nemreš dokućit njegvo veselje
On samomu sebi ćistam je dost
Ni gorše stvari njemu na svetu
Æe del bi ga neko na vinski post

[riba]

        Mlaćica

Buć,buć – buć,buć
V mlaćicu kaplje voda pri putu
Vesela deca potackaju po njoj
A bistra se voda sprevrne na žutu

Spuzi po listu kaplja preteška
Opadne pa mlaćici vodu stalasa
Kaplju za kapljom isto je čuti
Kakti da vura na zidu se glasa

Strese se kaplje veter na listju
I najhujša  megla suncu se skrije
Denek po denek,vreme kak ide
®ejna si zemlja mlaćicu spije