Poezija i proza

[riba]

           Maslaček

V jutro bil tranik je čistam zeleni
A polne dok dojde drugi je celi
Nahrupiju  v silu žuti maslački
Jih briga kaj škrlak na bregu je beli

Z dnevom i noći tak se natežu
Malko su širom,malko zapreti
Æe z jutra je tranik od trave zeleni
Zvečer pa zgleda kaj z jajci potreti

Skoro da v čudu ne bi to rekel
Farba se žuta v drugu premeće
Su lampaši sivi sikud prostreti
Kakti da megla po zemlji se vleće

Vetrek potpuhne,se jih raznese
Nemreš ni znati kam se letiju
Drugo si jutro tranik polukneš
Tam koceni prazni same stojiju

[riba]

         Druženje

Ni se tu spila kupica jena
I ko bi to opće bil i prebrojil
Ak je i neko špilal finoću
Pri kraju bi kupicu najraje prisvojil

Prva,najteža nekak se zmući
Al,gazda ti odma novu natoći
Još bi i mogel delat se trezan
No izdajnik pravi krvave su oći

Treba je sprobat kaj tu se nudi
Dosti knap za to je vurica koja
Sramota je ipak nekaj preskočit
Kaj ne bi se došlo do zadnjega broja

Jedna za drugom i pesma opadne
Sam teško ko ostal pri pravom je sluhu
Dok v tmici zalivaš susedov vugel
I to ti već ima rizlinga duhu

Šteta kaj moralo na put još se iti
Bu gazda nas sigurno opet privabil
Petica čista za se kaj je bilo
Al žeju do doma mu nebum pozabil

[riba]

        Vuletje v dvorišću
           
A je to znović sneg na dvorišću
Same kaj nekak se drugač diši
Od jutra do kmice navek je isti
Ga čemerno sonce nič ne topi

Čudo kak same dreva se lovi
Spodi pa trava se praf zeleni
Pri juternjoj rosi male rumeni
No toplo ga sonce pa razbeli

Ni dobro će oblak črni nadojde
Ter veter potpuhne i pogrmi
Latice bele raznese po zemlji
Kaj travu pokriju da videt je ni

[riba]

              Lovro             

Kupil je muž si klet i goricu
Ni znal vu kakvo je sranje zagazil
Ve bager mu nemre skopat pelnicu
Kaj grunta mejašu ne bi pogazil

Se puntaš da put je nekak preuski
A kuliki moral po tvome bi biti
Ni bil predviđen za četiri josi*
Tud voljeki same su trebali iti

Siroticu staru ve zel si na zuba
Sumnjam buš fletno došel tu  konca
Ak još i k tome na vuha je slaba
Odnesel fiškal i grah ti bu z lonca

Bolje se nekak z dobra napravi
Kaj bumo si tebi došli bez straha
Se moglo bi zgodit pri najhujši pesmi
Bi nas z grahinom* rastirala baba

josi* - osovine
grahina* - onaj kolac za koljenje graha(cca 2m dužine i oko 3-4cm debljine).dobar za potegnut po plećima

[psycho]

nego, ribek, od kud to vadiš? tončika huljić bi natukla love. a ti?

[Juznjak]

I Severina bi nasla ponesto zanimljivog  u tim stihovima 

[riba]

tak ti to dojde samo od sebe .nemam sad baš cajta,al bu se valjda našlo za ubuduće.Samo vi čitajte ak vam se dopadne.Za sad još uvek pišem samo za gemište ,normalno ak me ko pozove 

[Dražen]

@riba 2
Nadam se da se ne ljutiš, ali čini mi se da ova tema ne spada u Bez cenzure - zahvaljući tebi. Pa sam je preselio u osobniji podforum O nama.
Potpisujem sve što su forumaši do sada rekli o tvome radu.

Dražen

[riba]

    
      Posel,posel

Ste ve srećni ljudi moji dragi
Od seg posla ide mi na plač
Dirjam kaj da goniju me vragi
Nikak stići ves potući drač

Pa još gamad kojekakva sili
Se zeleno hoće mi pojest
Već i šprica mi od muke cvili
Ne ga cajta si za malo sest

Još za kmice traktori prdiju
Da ćim predi bude aldamaš*
Æe ni došel,mam se raskričiju
Kak zaspati more faringaš

Daj bez veze noriti mi najte
Bute stigli itak se napravit
Tu pa tam i oduška si dajte
Treba sesti,malo i nazdravit

aldamaš* - fajrunt,kraj posla ,itd...

[riba]

   jena čist drukčija od svih  

     Skritoj  ljubavi     

Ne bi znal reći,a je to greh
Poslušat skriveći znani mi smeh
Šteti podragat znane mi lasi
Poluknut te oći kaj morje ih krasi

A kaj bi tek dal za ruku prijeti
Il glavu vu tvoje krilo si deti
Kaj dal bi za delić vure pri tebi
Bi mislil sam nebo pridobil sebi

Pred noge bi mogel ti zvezde prostreti
Pod mesecom štel bi ti dušu otpreti
Za biserni osmeh ti sunce bi fkral
Za kušlec na lice se blago bi dal

Veter nej čutil će lice bi drapal
Ni dejšč će mrzli po meni bi kapal
Kak detetu mirni  mi bili bi sni
Æe bar bi me malo poluknula ti

[riba]

  eto vraćam se opet prirodi i poslu    

     Nikak da dojde

Još mrzlo je jutro
Ni vetra,pa megla zemlju tišči
Pripela je rosa travu debela
Se mi to nekak mrazu zgledi

Cvetek se nikak neće otpreti
Pa bumbar črni v luknji se stišće
Kaj pa bi zišel vun na tu zimu
Kak da po zimi meda si išće

Samo se krtu živo baš fućka
Mu je se jeno je den ili noć
Rivlje ga rivlje,gruntače dela
Jer zemlju si mora meknuti proć

Potrajalo bu to još nekaj dni
Jemput se valjda i zimi zide
Tak da si sunce mesta tu najde
Samo da travenj vun već odide

[riba]

      Biodinamičari

Čudim se kak to nigde ih nema
Su morti od Dražena dobili ban
Ali sam skužil razlog problemu
Si mlado koprivlje beru na stran

Sima je jasno čemu to služi
Za čisti nam oni bore se plac
Zati ih treba pobrati mlade
Da bi se brzo dele vu pac

Lučem po slivlji,nije mi jasno
Slabo tu pčele s krilima mašu
I konačno mi je došlo do glave
Se su odišle k njima na pašu

[tupka]

Ribica, a kaj ti to ne ponudiš Pepelku?

[riba]

A čujte dragi  dečki i puce.Ni sam ne znam kaj reći.Ovo i tak pišem najviše za Vas.Nekaj sam probal,no zgleda je negde zapelo.Bum proveril za 1.Maj u Trakošćanu,a bu kaj s toga ili ne.Tam kuhamo grah,gotov bu oko 13h,pa ko more nek dojde(ne bi smel ovo reklamirat).A ak ne niš s toga dogovora onda bi moral iskati nekog drugog sponzora za tiskaru

[Brane]

              Lovro             

Kupil je muž si klet i goricu
Ni znal vu kakvo je sranje zagazil
Ve bager mu nemre skopat pelnicu
Kaj grunta mejašu ne bi pogazil

Se puntaš da put je nekak preuski
A kuliki moral po tvome bi biti
Ni bil predviđen za četiri josi*
Tud voljeki same su trebali iti

Siroticu staru ve zel si na zuba
Sumnjam buš fletno došel tu  konca
Ak još i k tome na vuha je slaba
Odnesel fiškal i grah ti bu z lonca

Bolje se nekak z dobra napravi
Kaj bumo si tebi došli bez straha
Se moglo bi zgodit pri najhujši pesmi
Bi nas z grahinom* rastirala baba

josi* - osovine
grahina* - onaj kolac za koljenje graha(cca 2m dužine i oko 3-4cm debljine).dobar za potegnut po plećima

Riba ma ja ne verujem, svaka ti čast, nemrem k sebi dojti
svaka čast